រយៈពេលជាង​១សប្តាហ៍កន្លងមកនេះ អាមេរិក​ប្រឈមនឹងបាតុកម្មជាប្រវត្តិសាស្ត្រ ដោយសារមានអំពើហិង្សាកើតឡើង។ បាតុកម្មប្រឆាំងនឹងការរើសអើងជាតិសាសន៍​​​  ហើយទាមទារយុត្តិធម៌ឲ្យបុរសស្បែកខ្មៅ George Floyd ជុំវិញករណីប៉ូលិសអាមរិកសង្កត់ក រហូតដល់ស្លាប់ ។ ប្រធានាធិបតី ដូណាល់ ត្រាំ​ បានរៀបចំគម្រោងប្រើប្រាស់កម្លាំងយោធា ដើម្បីបំបែកហ្វូងបាតុករ ​នៅទីក្រុងជាច្រើន។

សារព័ត៌មាន​ VOV ​បានធ្វើបទសម្ភាសន៍ជាមួយសាស្ត្រាចារ្យប្រវត្តិសាស្ត្រ និង វិទ្យាសាស្ត្រនយោបាយ លោក​ Steven Ekovich មកពីមហាវិទ្យាល័យ (The American University of Paris) ស្តីពីបញ្ហា​កំពុងកើតឡើង នៅលើទឹកដីអាមេរិក​។ លោក Steven Ekovich បានលើកឡើងថា ប៉ុន្មានថ្ងៃកន្លងមក អាមេរិកប្រឈមនឹងបញ្ហាជាច្រើន ហើយការទទួលខុសត្រូវ​ធ្លាក់ទៅលើអ្នកណា​? ពលរដ្ឋក្នុងតំបន់​ ឬកម្លាំងជំរុញពីខាងក្រៅ​ ដើម្បីសម្រេចគោលដៅរបស់ខ្លួន​? ដើម្បីឆ្លើយតមនឹងសំណួរទាំងនេះ គេត្រូវ​តែដាក់ហេតុការណ៍ក្នុងស្ថានភាពផ្សេងគ្នា​។

ជាដំបូង គឺត្រូវតែរំឭកដល់ប្រវត្តិសាស្ត្រ ក្នុងទំនាក់ទំនងជាមួយក្រុមជនជាតិ ​នៅលើទឹកដីអាមេរិក ជាពិសេសគឺទំនាក់ទំនងជាមួយកម្លាំងសន្តិសុខ​ និង សហគមន៍ជនជាតិស្បែកខ្មៅ នៅអាមេរិក តែម្ដង​។ ជាច្រើន​ទសវត្សរ៍កន្លងមកហើយ មានអំពើហិង្សាជាច្រើន តែងតែកើតឡើង ពាក់ព័ន្ធនឹងកម្លាំងសន្តិសុខអាមេរិក​ជាមួយជនជាតិស្បែកខ្មៅ​។ ហេតុការណ៍បានកើតឡើង គឺពាក់ព័ន្ធនឹងការរើសអើងជាតិសាសន៍ ដែលជាបញ្ហាកើតឡើង ជាយូរយារណាស់មកហើយ នៅក្នុងប្រវត្តិសាស្ត្រអាមេរិក។

រយៈ​ពេល​ជាងកន្លះសតវត្សរ៍កន្លងមក ក្រុមជនជាតិស្បែកខ្មៅ​ នៅអាមេរិក ​មានការរីកចម្រើនយ៉ាងខ្លាំង ផ្ទុយទៅវិញ​ក្នុងភ្នែកពលរដ្ឋអាមេរិក ក្រុមជនជាតិស្បែកខ្មៅ គឺជាក្រុមក្រីក្រ ទាសករ​ ដែល​ជាអ្នក​បង្កឲ្យ​ទឹកដីអាមេរិក​ខ្មៅ (l’Amérique noir)…។ និយាយរួម​មក ការមិនមានតម្លាភាព​ រវាងជនជាតិស្បែកខ្មៅ និងស្បែកស នៅអាមេរិក នៅតែបន្តកើតមាន និងការរើសអើងជាតិសាស្ត្រនៅតែបន្ត ។

ជាមួយគ្នានេះដែរ ការដាក់ស្ថានភាពខាងលើ នៅក្នុងយុទ្ធនាការឃោសនាបោះឆ្នោត នៅអាមេរិក នាពេលនេះ​ លោកJoe Biden ​កំពុងតែមានប្រៀប និងទទួលបានការគាំទ្រយ៉ាងខ្លាំង ពីក្រុមជនជាតិស្បែកខ្មៅ ដោយ លោក​ធ្លាប់បានលើកឡើងថា លោកនឹងឲ្យជនជាតិស្បែកខ្មៅ ធ្វើជាអនុប្រធានាធិបតី ក្នុងនោះមានភរិយារបស់អតីតប្រធានាធិបតី អូបាម៉ា ក៏ជាជនជាតិស្បែកខ្មៅផងដែរ​៕ ប្រែសម្រួលដោយ៖ MEO

from： https://tnaot.com/km/m/detail/article/9325584