Sign In 
ក្លឹប Spurs បានរកឃើញអ្នកផ្ទុកវីរុសកូរ៉ូណាម្នាក់នៅជុំចុងក្រោយនៃការធ្វើតេស្ដដោយ Premier League។ មនុស្សម្នាក់នោះពេលនេះត្រូវបានដាក់ដាច់ដោយឡែករយៈពេល៧ថ្ងៃ។ តាមការប្រកាសលើវិបសាយរបស់ Spurs គឺសុំមិនបញ្ចេញឈ្មោះបុគ្គលនោះឡើយ។ នេះគឺជាការរកឃើញករណីវិជ្ជមានតែមួយគត់ ក្នុងចំណោមកីឡាករនិងបុគ្គលិកដែលបានពិនិត្យសុខភាពនៅជុំចុងក្រោយ មុនលីគចាប់ផ្ដើមឡើងវិញ។
គេបានធ្វើតេស្ដចំនួន៥ជុំដើម្បីរកមេរោគ Covid-19 ហើយចំនួនអ្នកដែលផ្ទុកកើនដល់១៣នាក់ ក្នុងចំណោមអ្នកធ្វើតេស្ដ៥ ០៧៩នាក់។ កីឡាករនិងបុគ្គលិក Premier League ត្រូវបានធ្វើតេស្ដ២ដងក្នុងមួយសប្ដាហ៍ ស្របពេលដែលលីគគ្រោងលេងវិញនៅថ្ងៃទី ១៧ ខែ មិថុនាខាងមុខ៕
