Sign In 
សន្តិសុខយាមកាម នៅសាលារៀន បានវាយប្រហារដោយកាំបិត បណ្តាលឲ្យរងរបួសយ៉ាងតិច៣៩នាក់ នៅក្នុងសាលាមត្តេយ្យមួយកន្លែង នាភាគខាងត្បូង ប្រទេសចិន កាលពីព្រឹក ថ្ងៃទី៤ ខែមិថុនា ឆ្នាំ២០២០ ។
ប្រព័ន្ធផ្សព្វផ្សាយរដ្ឋចិនបានផ្សាយថា មូលហេតុសន្តិសុខប្រើកាំបិតចាក់ប្រហារនោះ គេនៅមិនទាន់ដឹងឡើយ។ ករណីវាយប្រហារបែបនេះ បានស្ងប់ស្ងាត់ រយៈពេលជាយូរមកហើយ ។
មន្ត្រីរដ្ឋបាលក្នុងតំបន់ Cangwu ខេត្ត Guangxi បានបញ្ជាក់ថា សិស្សចំនួន៣៧នាក់ និងមនុស្សវ័យជំទង់២នាក់ បានរងរបួសដោយសារការវាយប្រហារនេះ។
ប្រព័ន្ធផ្សព្វផ្សាយចិន បានបញ្ជាក់ថា ជនវាយប្រហារជាសន្តិសុខយាម នៅក្នុងសាលានោះផងដែរ ឈ្មោះ លី ។ ជនសង្ស័យត្រូវចាប់ឃុំខ្លួន ខណៈការស៊ើបអង្កេតកំពុងបន្ត ។
បណ្តាញទូរទស្សន៍រដ្ឋចិន CCTV បានផ្សាយថា មនុស្ស៤០នាក់បានរងរបួស ក្នុងនោះមានមនុស្ស៣នាក់រងរបួសធ្ងន់ រួមមាន នាយកសាលា សន្តិសុខម្នាក់ផ្សេងទៀត និងសិស្សម្នាក់ ៕ ប្រែសម្រួលដោយ៖ thach yat
