Pep Guardiola នឹងនៅតែធើ្វជាគ្រូបង្វឹកដដែល ប៉ុន្ដែការបង្វឹកនោះគឺស្ថិតក្នុងក្រុមជម្រើសជាតិ មិនមែនក្លឹបទៀតនោះទេ នៅពេលដែលលោកចាកចេញពី Manchester City, នេះបើតាមប្អូនប្រុសរបស់លោកនិយាយ។

Guardiola បានចំណាយពេលបង្វឹកក្លឹបធំៗជាច្រើនក្នុងទ្វីបអឺរ៉ុបដែលមានដូចជា Barcelona, Bayern Munich និង Manchester City ហើយក៏បានឈ្នះពានធំៗនៅក្លឹបដែលរូបលោកដឹកនាំផងដែរ។

យ៉ាងណាក្ដី ប្អូនប្រុសរបស់លោកឈ្មោះ Pere បានបញ្ជាក់ថា លោកនឹងមិនដឹកនាំ City រហូតនោះទេ ដោយបានបញ្ជាក់ថាបងប្រុសខ្លួនកំពុងមានមហ្ឆិចតាក្នុងការដឹកនាំក្រុមជម្រើសជាតិ។

«ប្រេស៊ីលឈ្នះអ្វីគ្រប់យ៉ាងជាមួយគ្រូប្រេស៊ីល។ ខ្ញុំគិតថា អ្នកមានគ្រូបង្វឹកល្អ ដូច្នេះអ្នកមិនចាំបាច់មានគ្រូបរទេសមកដឹកនាំនោះទេ» ប្អូនប្រុស Guardiola និយាយប្រាប់ Globo Esporte។

«Pep មានបំណងក្នុងការដឹកនាំក្រុមជម្រើសជាតិថៃ្ងណាមួយ, តែយើងចាំមើលថៃ្ងណាមួយ។ វាមិនមែនជារឿងដែលត្រូវគិតនៅក្នុងពេលបច្ចុប្បន្នឡើយ»៕

ប្រភព៖ Dailymail

from： https://tnaot.com/km/m/detail/article/9317962