សហគមន៍អន្តរជាតិ ពិសេសគឺប្រទេសដែលជាសម្ព័ន្ធមិត្តអាមេរិក បានថ្កោលទោសអាមេរិកវិញម្តង ដោយសារបង្កឲ្យមានបាតុកម្ម ហើយរាលដាលដល់ប្រទេសជាច្រើន នៅជុំវិញពិភពលោក​។ ក្រៅពីបាតុកម្មប្រឆាំងនឹងការប្រកាន់ជាតិសាសន៍ បានកើតឡើង នៅ​៥០រដ្ឋ នៅលើទឹកដីអាមេរិក ខណ:នេះបានទៅដល់អូស្ត្រាលី អឺរ៉ុប និងប្រទេសជាច្រើនទៀត។

កន្លងមក នៅតំបន់អឺរ៉ុប ក្នុងនោះមានប្រទេសអង់ក្លេស និងស្វIស ក៏មានបាតុកម្ម​ផងដែរ ដែលជាការរួមចំណែក​ជាមួយនឹងក្រុមជនជាតិស្បែកខ្មៅ ទាមទារយុត្តិធម៌ និងបញ្ចប់ការរើសអើងជាតិសាសន៍។

នៅ​ពេលនេះបាតុកម្មបានប្រមូលផ្តុំគ្នា នៅមុខ​តុលាការ Tribunal de Grande ក្នុងទីក្រុងប៉ារីស ប្រទេសបារាំង​ ដែលជាការចូលរួម ក្នុងមហាបាតុកម្ម «ខ្ញុំមិនអាចដកដង្ហើម » របស់ជនរងគ្រោះ​ Floyd ត្រូវប៉ូលិសអាមេរិកសង្កត់ក រហូតដល់ស្លាប់។

បាតុកម្មនៅក្នុងប្រទេសបារាំង ក៏បានបង្ហាញពីការគោរពដល់យុវជនស្បែកខ្មៅ​ជនជាតិបារាំង ដើមកំណើតអាហ្វ្រិក ​អាយុ​២៤ឆ្នាំឈ្មោះ ឈ្មោះ Adama Traore បានស្លាប់ ក្នុងពេលប៉ូលិសបារាំងឃុំខ្លួន កាលពីឆ្នាំ​២០១៦ ផងដែរ។ គ្រួសារ Adama Traore បានលើកឡើងថា ការស្លាប់​ដោយសារតែថប់ដង្ហើម​ ហើយសម្ដីចុងក្រោយ ដូចគ្នាទៅនឹងសម្ដីរបស់ Floyd «ខ្ញុំមិនអាចដកដង្ហើម»ដែរ។

ប៉ូលិសបារាំងបានហាមប្រាមបាតុកម្ម​ ដោយសារតែច្បាប់គម្លាតសង្គម ​ហាមប្រាមពលរដ្ឋប្រមូលផ្តុំគ្នា ដើម្បីទប់ស្កាត់ការឆ្លងកូវីដ​១៩។ ប៉ុន្តែក៏មានពលរដ្ឋ​រាប់ពាន់នាក់ ពាក់ម៉ាស់ចូលរួម​បាតុកម្ម នៅមុខ​តុលាការ Tribunal de Grande ដោយមិនខ្វល់ពីច្បាប់ហាមប្រាម​។ ប៉ូលិសប្រឆាំងបាតុកម្ម នៅប្រទេសបារាំង ក៏បានប្រើប្រាស់ឧស្ម័នបង្ហូរទឹកភ្នែក ដើម្បីបំបែកហ្វូងបាតុករ​ផងដែរ។

លោក Didier Lallement ស្នងការប៉ូលិសទីក្រុងប៉ារីស បានបញ្ជាក់ថា​ កម្លាំងប៉ូលិសមិនមានសកម្មភាពប្រើហិង្សា ឬក៏រើសអើងជាតិសាសន៍ទៅលើក្រុមបាតុករឡើយ៕ប្រែសម្រួលដោយ MEO

from： https://tnaot.com/km/m/detail/article/9311080