Sign In 
យោងតាមការស្រាវជ្រាវចុងក្រោយពី Counterpoint Research បានឲ្យដឹងថា realmeឈរនៅចំណាត់ថ្នាក់លេខ៤ នៅប្រទេសកម្ពុជាជាមួយនឹងការកើនឡើងចំនួន ២៥២% ប្រៀបធៀបនឹងកាលពីឆ្នាំមុន និងឈរនៅចំណាត់ថ្នាក់លេខ៥ នៅតំបន់អាស៊ីអាគ្នេយ៍ជាមួយនឹងការកើនឡើងចំនួន ១៧៣% ប្រៀបធៀបនឹងកាលពីឆ្នាំមុន ដែលជាម៉ាកស្មាតហ្វូនមានការរីកចម្រើនលឿនបំផុតនៅក្នុងតំបន់។ 
នៅឆ្នាំ ២០២០ គិតត្រឹមត្រីមាសទី១ ជាមួយនឹងការប៉ះពាល់ពីជំងឺរាតត្បាតកូវីដ១៩ ការបញ្ចេញលក់ស្មាតហ្វូនទូទាំងសកលបានធ្លាក់ចុះ ១១% បើធៀបជាមួយនឹងត្រីមាសទី១ ក្នុងឆ្នាំ២០១៩។ ផ្ទុយទៅវិញ realmeគឺជាម៉ាកមួយក្នុងចំណោមម៉ាកធំៗ ដែលសម្រេចបាននូវកំណើនលក់របស់ខ្លួន។ យោងតាមការស្រាវជ្រាវបានបង្ហាញថា realmeនៅប្រទេសថៃ និងប្រទេសកម្ពុជាស្ថិតនៅលំដាប់កំពូលទី៤ ដោយមានអត្រាកំណើនចំនួន ១១៦%និង ២៥២% បើប្រៀបធៀបនឹងកាលពីឆ្នាំមុន។
ប្រទេសឥណ្ឌូណេស៊ីមានកំណើន ១០៥%ធៀបនឹងឆ្នាំមុន, ហ្វីលីពីនមានកំណើន ១៨០០% ធៀបនឹងឆ្នាំមុន, វៀតណាមមានកំណើន ៩២% ធៀបនឹងឆ្នាំមុន និងមីយ៉ាន់ម៉ាមានកំណើន ៣៥០% ធៀបនឹងឆ្នាំមុន ។ នៅទូទាំងពិភពលោកគិតត្រីមាសទី ១ ឆ្នាំ ២០២០ realmeបានសម្រេចនូវការរីកចម្រើនរបស់ខ្លួន រហូតទទួលបានចំណាត់ថ្នាក់លេខ៧ ដោយនៅតែរក្សាបាននូវយីហោស្មាតហ្វូនដែលរីកលូតលាស់លឿនបំផុតជាមួយអ្នកប្រើប្រាស់ចំនួន ៣៥លាននាក់នៅទូទាំងពិភពលោក។ realme បានចូលទៅទីផ្សារចំនួន ២៧ប្រទេស និងតំបន់។
ក្រោយពី C2បានចូលមកក្នុងទីផ្សារប្រទេសកម្ពុជាមកrealmeបានបញ្ចេញនូវស្មាតហ្វូនកាមេរ៉ា ៤គ្រាប់ជាបន្តបន្ទាប់គឺ realme 5 និងrealme 5Pro , ស្មាតហ្វូនកម្រិតថវិកា C3និង6iដែលជាស្មាតហ្វូនសក្ដិសមសម្រាប់លេងហ្គេមនិងរចនាឡើងសម្រាប់យុវវ័យ រួមទាំងrealme 6និង6Proដែលមានអេក្រង់ 90Hzនិងមានគ្រឿងបំពាក់ស្ទើរតែដូចនឹងទូរសព្ទFlagship សម្រាប់បំពេញនូវតម្រូវការរបស់អ្នកទាំងអស់គ្នា។ទោះបីជាផ្តល់នូវផលិតផលបច្ចេកវិទ្យាទាន់សម័យដល់ទីផ្សារកម្ពុជាក៏ដោយ ក៏ realmeបានព្យាយាមរកវិធីជាច្រើនដើម្បីបង្ហាញពីមហិច្ឆិតានៃការក្លាយជាម៉ាកដែលយល់ច្បាស់ពីយុវវ័យបំផុត។
ច្បាស់ណាស់មកទល់ពេលនេះយើងអាចមើលឃើញ realme នៅក្នុងប្រទេសកម្ពុជាបានយកតារាល្បីឈ្មោះលោក G-Devith មកធ្វើជា BA និងបានសហការជាមួយហ្គេមដែលកំពុងពេញនិយមក្នុងសង្គមយុវវ័យ MLBB ហើយសព្វថ្ងៃនេះយើងអាចមើលឃើញ realme កំពុងតែនាំមកនូវការប្រកួតហ្គេមស៊េរីថ្មីមួយទៀតដល់យុវជន៖ ការប្រកួតMLBB និងការប្រកួតPUBG ។ សកម្មភាពទាំងអស់នេះមានគោលបំណងចង់ជ្រួតជ្រាបចូលទៅក្នុងទីផ្សារយុវវ័យឱ្យកាន់តែស៊ីជម្រៅ។ នេះអាចជាមូលហេតុមួយដែល realme អាចរីកលូតលាស់យ៉ាងឆាប់រហ័សបែបនេះ នៅក្នុងទីផ្សារប្រទេសកម្ពុជា។
ទោះបីជាមានផលប៉ះពាល់អវិជ្ជមានលើទីផ្សារស្មាតហ្វូនទូទាំងពិភពលោកក្នុងត្រីមាសទី១ ឆ្នាំ ២០២០ ក៏ដោយ ក៏ realme កំពុងតែមានការរីកចម្រើនគួរឱ្យកត់សម្គាល់នៅក្នុងតំបន់អាស៊ីដោយបង្ហាញពី “ល្បឿនរីកលូតលាស់លឿនបំផុត” ជាមួយនឹងអត្រាកំណើនដែលប្រៀបធៀបទៅនឹងកាលពីឆ្នាំមុននៅក្នុងទីផ្សារសំខាន់ៗ។ ចាំមើលថាយុទ្ធសាស្ត្រអ្វីដែល realme អាចនឹងប្រើនៅជំហានបន្ទាប់ ដើម្បីពង្រឹងជំហររបស់ខ្លួន៕
