Sign In 
ក្នុងរបាយការណ៍ចំណូលដែលចេញផ្សាយនាថ្ងៃនេះបានបង្ហាញឲ្យដឹងថាកម្មវិធីប្រជុំតាមអនឡាញ Zoom អាចរកចំណូលបាន ៣២៨លានដុល្លារ អំឡុងខែកុម្ភៈ ដល់ខែមេសា។ ចំណូលនេះគឺកើនឡើងលើសពីពីរដងធៀបនឹងឆ្នាំមុន ដែលក្នុងរយៈពេលដូចគ្នាអាចរកចំណូលបាន ១២២លានដុល្លារ។
ក្នុងនោះដែរ ក្រុមហ៊ុនអាចរកប្រាក់ចំណេញបាន ២៧លានដុល្លារ ប្រៀបធៀបនឹងត្រីមាសដូចគ្នាកាលឆ្នាំ ២០១៩ អាចរកប្រាក់ចំណេញបានប្រមាណ ២០ម៉ឺនដុល្លារ ប៉ុណ្ណោះ។ ប្រធានក្រុមហ៊ុន Zoom លើ Eric Yuan ព្យាករណ៍ថានៅត្រីមាសបន្ទាប់ចំណូលអាចមានចន្លោះពី ៤៩៥ ទៅ ៥០០លានដុល្លារ ហើយចំណូលពេញមួយឆ្នាំរំពឹងថាមានចន្លោះពី ១,៧៨ ទៅ ១,៨ពាន់លានដុល្លារ។ អំឡុងពេលដែលជំងឺកូវីដ១៩ផ្ទុះរាលដាលពាសពេញពិភពលោក Zoom សង្កេតឃើញថាចំនួនអ្នកប្រើប្រាស់មានកំណើនខ្លាំង ដែលកើនឡើងពីត្រឹម ១០លាននាក់នៅខែធ្នូឆ្នាំ ២០១៩ មកដល់ខ្ទង់ ៣០០លាននាក់ជាប្រចាំថ្ងៃនៅចុងខែមេសា៕
