មុននឹងការប្រកួត Premier League វិលត្រលប់មកវិញ ក្លឹបទាំង២០ ក៏អាចធើ្វការប្រកួតមិត្ដភាពជាមួយក្រុមដ៏ទៃបានផងដែរ។

យោងតាមប្រភពព័ត៌មាន Reuters ចេញផ្សាយនៅថ្ងៃពុធ ទី០៣ ខែមិថុនា ឆ្នាំ២០២០នេះ បានឱ្យដឹងថា ក្លឹបបាល់ទាត់ Premier League ត្រូវបានគេអនុញ្ញាតឱ្យចូលរួមប្រកួតមិត្តភាពបានមុនពេលការប្រកួតចាប់ផ្តើមនៅថ្ងៃទី១៧ ខែមិថុនា។

ប្រភពព័ត៌មានខាងលើ បានឱ្យដឹងទៀតថា កីឡដ្ឋានដែលត្រូវទទួលការប្រកួតមិត្តភាព គឺមិនត្រូវប្រើរយៈពេលច្រើនជាង៩០នាទី ហើយកីឡាករនីមួយៗត្រូវធ្វើដំណើរដោយរថយន្តផ្ទាល់ខ្លួន ហើយត្រូវស្លៀកសម្លៀកបំពាក់ឱ្យរួចរាល់។

ការប្រកួតត្រូវមានអាជ្ញាកណ្តាលដែលជ្រើសរើសចេញពីសមាជិក បុគ្គលិក គ្រូបង្វឹករបស់ក្លឹប ហើយកីឡាករត្រូវតែវិលត្រឡប់មកវិញជាមួយនឹងការធ្វើតេស្តរកមេរោគកូវីដ-១៩ អវិជ្ជមាន៕

ប្រភព៖ Dailymail

from： https://tnaot.com/km/m/detail/article/9310486