ខ្សែបម្រើ Thiago Alcantara បានត្រឡប់មកហ្វឹកហាត់ជាមួយក្រុម Bayern Munich វិញហើយ បន្ទាប់ពីអវត្តមានចំនួន៣ប្រកួត ក្នុងក្របខណ្ឌ Bundesliga ដោយសារបញ្ហារបួស។ នេះបើតាមការចុះផ្សាយឱ្យដឹងពីគេហទំព័រផ្លូវការរបស់ក្លិប Bayern។

ខ្សែបម្រើសញ្ជតិអេស្ប៉ាញរូបនេះ អវត្តមាននៅពេលក្រុម Bayern ប្រកួតជាមួយក្រុម Eintracht Frankfurt, Borussia Dortmund និង Fortuna Dusseldorf ដោយសារតែបញ្ហាសាច់ដុំ ប៉ុន្តែមិនបានធ្វើឱ្យក្លិបបរាជ័យក្នុងជំនួបទាំងបីនេះទេ។ បច្ចុប្បន្ន Thiago កំពុងប្រឹងប្រែងហ្វឹកហាត់ក្នុងក្រុមឡើងវិញ ដើម្បីត្រៀមលេងការប្រកួតជាមួយក្រុម Bayer Leverkusen នៅសប្តាហ៍នេះ។

គួរឱ្យដឹងដែរថា ក្រុម Bayern កំពុងឈរនៅកំពូលតារាងមាន៦៧ពិន្ទុ រីឯក្រុម Borussia Dortmund ស្ថិតនៅលេខ២មាន៦០ពិន្ទុ ខណៈពេលដែលក្រុមទាំងពីរនេះសល់៧ប្រកួតម្នាក់ក្នុងដៃទៀត ហើយនឹងត្រូវប្រជែងគ្នាដើម្បីស្វែងរកម្ចាស់ជើងឯកក្របខណ្ឌ Bundesliga រដូវកាលនេះ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9308697