រុស្ស៊ីនឹងក្លាយជាប្រទេសដំបូងគេបង្អស់នៅលើពិភពលោក ដែលបានដាក់ឲ្យប្រើប្រាស់ថ្នាំព្យាបាល កូវីដ​១៩ នៅថ្ងៃទី​១១ខែមិថុនា ខាងមុខនេះ។ ទាំងនោះជាដំណឹងល្អ ដល់ពលរដ្ឋរុស្ស៊ី ក្នុងការព្យាបាលជំងឺដ៏គ្រោះថ្នាក់នេះ។

មន្ត្រីសុខាភិបាលរុស្សីបានលើកឡើងថា នៅសប្តាហ៍ក្រោយរុស្ស៊ីនឹងដាក់ឲ្យប្រើប្រាស់ថ្នាំប្រឆាំងកូវីដ​-១៩​ Avifavir ​សម្រាប់ព្យាបាលអ្នកជំងឺ។ ក្រសួងសុខាភិបាលនឹងចែកចាយថ្នាំនេះ​នៅថ្ងៃទី​១១ខែមិថុនា ហើយថ្នាំផលិតបានគ្រប់គ្រាន់សម្រាប់ព្យាបាលដល់អ្នកជំងឺ​៦ម៉ឺននាក់ក្នុងមួយខែៗ។

ថ្នាំព្យាបាលកូវីដ​-១៩​បានដាក់ឈ្មោះ​ក្នុងបញ្ជីពាណិជ្ជកម្មរុស្ស៊ីថា ​​Avifavir ជាប្រភេទថ្នាំសម្រាប់ព្យាបាលកូវីដ​-១៩​ដែលទទួលបានលិខិតអនុញ្ញាតឲ្យប្រើប្រាស់​ក្រោយឆ្លងកាត់ការសាកល្បង​។ ថ្នាំនេះអាចព្យាបាលអ្នកជំងឺកូវីដ​ជាសះស្បើយក្នុងរយៈពេល​៤ថ្ងៃ។ ចំណែកអ្នកជំងឺធ្ងន់អាចព្យាបាលរយៈពេល​១០ថ្ងៃ។

មន្ត្រីសុខាភិបាលរុស្ស៊ី​បានលើកឡើងថា ថ្នាំព្យាបាលកូវីដ​-១៩នេះ នឹងក្លាយជាថ្នាំដំបូងគេបង្អស់សម្រាប់ព្យាបាលវីរុសដ៏កាចសហាវនេះ នឹងជាក្តីសង្ឃឹមរបស់ពលរដ្ឋរុស្ស៊ី ក៏ដូចជាពលរដ្ឋនៅជុំវិញពិភពលោក។

ជាមួយគ្នានេះដែឬ នាយករដ្ឋមន្ត្រីរុស្ស៊ី​លោកMikhail Mishustin នៅថ្ងៃទី ២ខែមិថុនា បានប្រកាសថា ប្រធានាធិបតីពូទីនបានឡើងគម្រោង​ចំណាយប្រាក់ដល់ទៅ​៥ពាន់ពាន់លានរូប (ប្រមាណ​៧២ពាន់លានដុល្លារអាមេរិក)ដើម្បីជួយដល់សេដ្ឋកិច្ចប្រទេសនេះដំណើរការល្អឡើងវិញ។

អ្នកសារព័ត៌មានTTXVN​ ប្រចាំនៅទីក្រុងមូស្គូប្រទេសរុស្ស៊ីបានរាយការណ៍ថា គម្រោងខាងលើ​គឺដើម្បីបង្កើនសេដ្ឋកិច្ច និងជួយដល់ពលរដ្ឋ​ឲ្យមានការងារធ្វើឡើងវិញ​។ ទាំងនោះជាគម្រោងចំណាយ​ប្រាក់ ដ៏ច្រើនមិនធ្លាប់មាន ក្នុងពេលសេដ្ឋកិច្ចរងផលប៉ះពាល់ខ្លាំងដោយកូវីដ​-១៩៕​ ប្រែសម្រួលដោយ៖ MEO

from： https://tnaot.com/km/m/detail/article/9308546