Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

អតីតប្រធានាធិបតី​អាមេរិក បារ៉ាក់អូបាម៉ា ស្នើកែតម្រង់ប្រព័ន្ធយុត្តិធម៌ ក្រោយការស្លាប់​របស់ George Floyd

ការស្លាប់របស់​ជនជាតិស្បែកខ្មៅ​ George Floyd គឺក្រោមស្នាដៃរបស់ប៉ូលិសស្បែកសអាមេរិក​ នៅតំបន់ Minneapolis បានបង្កឲ្យមានបាតុកម្ម​កើតឡើង នៅទូទំាងប្រទេស អស់​រយៈពេលជាច្រើនថ្ងៃកន្លងមកនេះ។ ជាមួយគ្នានេះដែរ អតីតប្រធានាធិបតី​អាមេរិក ​បារ៉ាក់ អូបាម៉ា បានបង្ហោះនូវអត្ថបទមួយ​ អំពាវនាវដល់​ពលរដ្ឋ នៅទូទាំងប្រទេស​ ​ចាប់ដៃគ្នា​ពង្រឹងប្រព័ន្ធយុត្តិធម៌​ និង ដោះស្រាយបញ្ហាប្រកាន់ជាតិសាសន៍។

កន្លងមក ប្រធានាធិបតី ដូណាល់ ត្រាំ បានប្រកាសថា លោកនឹង​ដាក់ពង្រាយកម្លាំងទាហានរាប់ពាន់នាក់ ​ដើម្បីបំបែកហ្វូងបាតុកម្ម​។ ប៉ុន្ដែផ្ទុយទៅវិញ លោក អូបាម៉ា បានសរសេនៅលើបណ្តាញសង្គម​ Medium ​ថា​« ការធ្វើបាតុកម្ម នៅទូទាំងសហរដ្ឋអាមេរិក​ បង្ហាញពីការខកចិត្ត​យ៉ាងខ្លាំង ចំពោះប្រព័ន្ធយុត្តិធម៌​។ ចាប់តាំងពីដើមមក អាមេរិក​គួរតែកែតម្រង់សកម្មភាពរបស់កម្លាំងប៉ូលិស​​ ជាពិសេសគឺប្រព័ន្ធយុត្តិធម៌»។

អតីតប្រធានាធិបតី អូបាម៉ា បានប្រកាសថា​ «​ ភាគច្រើន ​អ្នកចូលរួមធ្វើបាតុកម្ម គឺបានធ្វើឡើង ដោយសន្តិភាព​។ ​ពួកគាត់គួរតែទទួលបានការគាំទ្រ គោរពជាជាងថ្កោលទោស​ដល់ក្រុមបាតុករ»​។ ជាមួយគ្នានេះដែរ លោក អូបាម៉ា ក៏បានលើកឡើងពីចំនួនពលរដ្ឋ​ទៅបោះឆ្នោតប្រធានា​ធិបតីអាមេរិក ជាពិសេសគឺយុវវ័យ ដែលជាអ្នកអាចកែប្រែអាមេរិក។ ​

ស្ថានភាពនៅលើទឹកដីអាមេរិក នាពេលនេះ ជាឱកាស​សម្រាប់គណបក្សប្រជាធិបតេយ្យ ដើម្បីស្វែងរកការគាំទ្រកាន់តែច្រើនពីពលរដ្ឋ សម្រាប់ការបោះឆ្នោត នៅខែវិច្ឆិកា ឆ្នាំ​២០២០ខាងមុខនេះ។ គោលដៅ​របស់​គណបក្សប្រជាធិបតេយ្យ គឺទទួលបានសំឡេងភាគច្រើន ទាំងនៅក្នុងរដ្ឋសភា និងព្រឹទ្ធភា ទើបងាយស្រួល នៅក្នុងការអនុម័តច្បាប់នានា ៕ ប្រែសម្រួលដោយ៖ ប្រែសម្រួលដោយ៖ MEO

from: https://tnaot.com/km/m/detail/article/9308520