Sign In 
លោកអ្នកប្រាកដជាធ្លាប់បានលឺ នឹងធ្លាប់បានស្គាល់រួចមកហើយនូវប្រភេទរថយន្ត Full Size Pickup Truck របស់ Ford នោះគឺ Ford F-150 តែ Ford មិនទាន់បញ្ឈប់មហិចតារបស់ខ្លួនទេ Ford នៅតែព្យាយាមបង្កើន Performance ទៅលើរបស់រថយន្តខ្លួនបន្ថែមទៀត ទើបធ្វើអោយ Ford F-150 Raptor ចាប់កំណើតឡើងមក វាមិនត្រឹមតែជារថយន្តដែលមានកំលាំងខ្លាំងដែលអាចអូសទំងន់បានរាប់តោនប៉ុណ្ណោះទេ តែវាផ្ដោតសំខាន់ទៅលើសមត្ថភាពបើកបរលើផ្លូវពិបាកៗតែម្ដង ដែលយើងធ្លាប់បានឃើញរួចមកហើយវាមានបំពាក់ជាមួយគ្រឿងសំខាន់ៗដែលមានសមត្ថភាពខ្ពស់ដូចជា Fox suspension ជាដើម។
ប៉ុន្តែមហិចតារបស់ Ford មិនទាន់បញ្ចប់ត្រឹមនេះទេ។ ប្រសិនបើលោកអ្នកបានអាននូវអត្ថបទមុនរបស់ខ្ញុំ នោះលោកអ្នកនឹងនៅចងចាំឈ្មោះបុគ្គលម្នាក់ដែលស្រលាញ់ចូលចិត្តការ Upgrade Performance ទៅលើរថយន្ត ហើយបុគ្គលម្នាក់នោះស្រលាញ់ចូលចិត្តម៉ាស៊ីនដែល Ford បានផលិតណាស់ គាត់មិនទៅណាឆ្ងាយពី Ford ឡើយហើយគាត់ធ្លាប់បាននិយាយថា “performance is my business” គាត់មានឈ្មោះថា Carroll Shelby ហើយដូចដែលលោកអ្នកបានឃើញស្រាប់នៅខាងក្រោមនេះជា Shelby Raptor Baja Edition
នៅក្នុង Baja Edition របស់ Shelby គឺបានធ្វើការកែប្រែបង្កើនថាមពលទៅលើម៉ាស៊ីន Ford Performance EcoBoost ដែលមានប្រព័ន្ធជំនួយខ្យល់ twin-turbo នឹងស៊ីឡាំង 6 រៀបជាអក្សរ V ធ្វើអោយរថយន្តនេះផលិតបានកំលាំងសេះរហូតដល់ 525hp និងកំលាំងបង្វិល 610ft-lb
ចំពោះប្រព័ន្ធគ្រឿងក្រោមនៃរថយន្តនេះវិញ Shelby សហការជាមួយនឹង FOX Racing បង្កើតបានប្រព័ន្ធ four-corner adjustable system includes reliable technologies ដែលធ្វើអោយរថយន្តមួយនេះមានសមត្ថភាពខ្លាំងទាំងការបើកបរលើផ្លូវរាបស្មើ (On-Road) នឹងលើផ្លូវពិបាក (Off-Road)
មិនដូចជា Ford F-150 Raptor ធម្មតានោះទេ ចំពោះ Shelby Raptor Baja Edition នេះវិញយើងអាចធ្វើការចំណាំបានលើរូបរាងរចនាខាងក្រៅដែលមើលទៅប្លែកទាក់ទាញ នឹងកាន់តែមានអំណាច ដែលមានបំពាក់មកជាមួយកាងមុខក្រោយដែកព័ណ៌ខ្មៅគ្រើម នឹងមានបំពាក់មកជាមួយអំពូល LED សម្រាប់ Offroad ស្រាប់ព្រមទាំងមានអក្សរ SHELBY រំលេចចេញមកទៀត។ ចំនែកឯពីខាងមុខវិញក៏មានអក្សរ SHELBY ផុសចេញមកក្រៅ ជាមួយនឹងប្រហោងស្រូបខ្យល់ដល់ទៅ 2 ទន្ទឹមគ្នាផងដែរ។
នៅពីខាងក្រោយមានបំពាក់ជាមួយកង់ ទំហំពេញខ្នាតដល់ទៅ 2 គ្រាប់ដែលវាធ្វើអោយទំងន់ខាងមុខនឹងខាងក្រោយរបស់ Shelby Raptor មួយនេះស្មើរគ្នាងាយស្រួលក្នុងការ Offroad
ជាមួយរូបរាងដ៏សង្ហាររបស់ Shelby Raptor Baja Edition មួយនេះខ្ញុំជឿរថាលោកអ្នកនឹងលង់ស្រលាញ់វាដកចិត្តមិនរួចឡើយ។
សូមមើលរូបដរទៃទៀតរបស់ រថយន្តនេះទាំងអស់គ្នា។
Facebook Page: facebook.com/TayAutoCambodia
