បុរសជនជាតិចិនម្នាក់ត្រូវបានចាប់ខ្លួននៅក្នុងស្រុក Bang Kapi ក្នុងទីក្រុងបាងកកកាលពីថ្ងៃអង្គារ និងត្រូវបានចោទប្រកាន់ពីបទដាំរុក្ខជាតិញៀនចំនួន ១០០០ដើម នៅក្នុងឃ្លាំងសម្រាប់លក់តាមអ៊ីនធឺណិត។

លោកឧត្តមសេនីយ៍ឯក Pakapong Pongpetra ស្នងការនៃការិយាល័យប៉ូលិសក្រុងបានមានប្រសាសន៍ថា លោក Wu Ding Bin អាយុ ៤១ឆ្នាំ ត្រូវបានឃុំខ្លួននៅក្បែរបន្ទប់របស់គាត់​នៅអគារ Soi Ramkhamhaeng ២៤/៣ ។ ប៉ូលិសបានចោទប្រកាន់ថា លោក Wu Ding Bin ​និងបក្ខពួកជនជាតិចិន ៤នាក់ទៀតបានដាំដើមកញ្ឆាសរីរាង្គ​​ក្នុងឃ្លាំងជួលមួយនៅភូមិ Soi ​ On Nut ៨២ ​ស្រុក​ Prawet បានលក់កញ្ឆានេះតាមប្រព័ន្ធ​អ៊ីនធឺណិត និង បានចែកចាយផលិតផលតាមរយៈសេវាកម្មរត់សំបុត្រ។ លោកឧត្តមសេនីយ៍ឯក Pakapong ​បានមានប្រសាសន៍ថា កញ្ឆាមានតម្លៃចាប់ពី ​៧០០០០០ បាតក្នុងមួយគីឡូក្រាមឡើងទៅ។ ជនសង្ស័យបានមកលេងប្រទេសថៃក្នុងឆ្នាំ ២០១៨ ហើយបាន​ត្រឡប់ទៅវិញ បន្ទាប់មកគេបានទៅ​ស្នើសុំបំពេញទិដ្ឋាកាជានិស្សិតដោយអះអាងថារៀនភាសា​ Muay ថៃ។

ជនសង្ស័យបានបដិសេធអំពីចំណេះដឹងដាំដុះកញ្ឆាដែល​មាននៅក្នុងឃ្លាំង ដោយអះអាងថាគាត់គ្រាន់តែជាជាងអគ្គិសនីប៉ុណ្ណោះ។ ​ប៉ូលិសក្រុងបាងកកបាននិយាយថាមានខ្សែវីដេអូដែលបង្ហាញថាបុរសនោះបានមកមើលឃ្លាំងជាញឹកញាប់រួមទាំងស្ពាយកាបូបធំមួយមកផងដែរ។  ឃ្លាំងនេះត្រូវបានបំពាក់ដោយម៉ាស៊ីនត្រជាក់និងភ្លើងនៅជុំវិញ​ ហើយគេឃើញមានវិក្កយបត្រអគ្គិសនី​ដែលចំណាយប្រាក់ពី ៧០០០០-១០០០០០ បាតក្នុងមួយខែ​ ហើយឃ្លាំងនេះត្រូវបានជួល​នៅតម្លៃ​ប្រហែល ៤០០០០បាតក្នុងមួយខែ។មុនពេលចាប់ខ្លួនគេឃើញមានក្រុមក្មេងទំនើងផ្តាច់ចរន្តអគ្គិសនីនៅក្នុងឃ្លាំងនិងទុកឲ្យរុក្ខជាតិញៀននោះងាប់។ ​ប៉ូលិសបានចាប់ខ្លួនលោក Wu ដោយសារតែបុរសជនជាតិហុងកុងម្នាក់ឈ្មោះ Ma Ho Yin អាយុ ៣៦ឆ្នាំ ត្រូវបានចាប់ខ្លួននៅឯអគារ​ Soi Ramkhamhaeng ២៧ ដោយមានរុក្ខជាតិញៀនប្រហែល ៣០០ដើមកំពុងលូតលាស់នៅទីនោះ។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9304129