មានសេចក្តីរាយការណ៍ថា Manchester United, Liverpool, Real Madrid និង Bayern Munich សុទ្ធតែជាក្លិបដែលបានដាក់ការចាប់អារម្មណ៍មកលើខ្សែប្រយុទ្ធ Kai Havertz របស់ក្លិប Bayer Leverkusen។

កីឡាករសញ្ជាតិអាល្លម៉ង់រូបនេះ ពិតជាធ្វើឱ្យក្លិបធំៗខាងលើចង់ចុះហត្ថលេខាជាមួយយ៉ាងខ្លាំង បន្ទាប់ពីរូបគេប្តូរមកលេងជាខ្សែប្រយុទ្ធ ក្រោយលេងជាខ្សែបម្រើកណ្តាល ហើយបានទាត់បាល់បញ្ចូលទីចំនួន ១៥គ្រាប់ ពីការបង្ហាញខ្លួន ៣៨ប្រកួត គិតគ្រប់ព្រឹត្តិការណ៍ទំាងអស់នៅក្នុងរដូវកាលនេះ។

មានក្លិបនៅក្របខ័ណ្ឌ Premier League មួយត្រូវបានគេរាយការណ៍ថា កំពុងនាំមុខគេក្នុងការចុះហត្ថលេខាលើ Havertz ស្របពេលដែលក្លិបជាច្រើនទៀតកំពុងចាប់អារម្មណ៍ផងដែរមកលើខ្សែប្រយុទ្ធរូបនេះ។

យោងតាមកាសែតកីឡា The Sun បានឱ្យដឹងថា ក្រុមបិសាចក្រហម Man Utd ជាក្លិបដែលបាននាំមុខគេក្នុងការចុះហត្ថលេខាជាមួយខ្សែប្រយុទ្ធឆ្នើមរបស់ក្លិប Bayer Leverkusen គឺកីឡាករ Kai Havertz ។ ក្លិបនេះ បានត្រៀមខ្លួនរួចរាល់ហើយសម្រាប់នាំយកខ្សែប្រយុទ្ធ Havertz ក៏ដូចជាខ្សែបម្រើស្លាបស្តាំ Jadon Sancho របស់ក្លិប Borussia Dortmund ផងដែរនៅរដូវក្តៅនេះ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9301411