ខ្សែបម្រើកណ្តាល Eduardo Camavinga នឹងបន្តលេងឱ្យក្លិប Rennes រដូវកាលក្រោយទៀត បើទោះបីកំពុងទទួលការចាប់អារម្មណ៍ចង់បានពីក្លិបយក្ស Real Madrid ក៏ដោយ។ នេះបើតាមការឱ្យដឹងពី លោក Nicolas Holveck ប្រធានក្លិប Rennes។

របាយការណ៍ជាច្រើនបាននិយាយថា ក្លិប Real Madrid ពិតជាចង់ចុះហត្ថលេខាជាមួយកីឡាករសញ្ជាតិបារាំងដែលមានទម្រង់លេងដូចទៅនឹងខ្សែបម្រើ Casemiro របស់ខ្លួន នៅរដូវក្តៅខាងមុខ ដើម្បីជួយសម្រួលដល់តំបន់កណ្តាល។

យ៉ាងណាមិញ លោក Holveck ប្រធានក្លិប Rennes បាននិយាយថា Camavinga នៅមានកុងត្រាជាមួយក្លិបរហូតដល់ឆ្នាំ២០២២ ដូច្នេះ រូបគេនៅមានតួនាទីលេងនៅទីនេះយ៉ាងហោចណាស់ក៏មួយរដូវកាលទៀតដែរ (លោកបាននិយាយក្នុងកិច្ចសម្ភាសន៍មួយនៅវិទ្យុបារាំង RTL)។

ខ្សែបម្រើកណ្តាលវ័យ ១៧ឆ្នាំ រូបនេះ បានជួយឱ្យក្លិប Rennes បញ្ចប់យុទ្ធនាការឈរនៅលេខ៣ ក្នុងតារាងចំណាត់ថ្នាក់លីគ Ligue 1 របស់ប្រទេស បារាំង រដូវកាលនេះ។ សម្រាប់រដូវកាលនេះ លីគ Ligue 1 បានបញ្ចប់ទៅមុនកាលកំណត់ បន្ទាប់ពីប្រធានាធិបតីបារាំង លោក Emmanuel Macron បានប្រកាសបិទរាល់ការប្រារព្ធកម្មវិធីធំៗចោលទាំងអស់ ដោយសារវិបត្តិកូវីដ-១៩ ហើយជើងឯកត្រូវប្រគល់ទៅឱ្យក្លិបឈរលេខ១ PSG ដែលមានពិន្ទុច្រើនជាងគេ៕

កែសម្រួលដោយ៖ ភារ៉ា

ប្រភព៖ livescore

from： https://tnaot.com/km/m/detail/article/9287812