តាមប្រភពប៉ូលិសបានឱ្យដឹងថា មានបុរសពីរនាក់ដែលម្នាក់ជាជនជាតិថៃ និងម្នាក់់ទៀតជាជនជាតិមីយ៉ាន់ម៉ាបានស្លាប់​បន្ទាប់ពី​មានគ្រោះថ្នាក់ចរាចរណ៍​ដែលបង្កដោយរថយន្តដឹកទំនិញមួយគ្រឿង​​បើកបុកបង្គោលភ្លើងនៅតាមផ្លូវក្នុងស្រុក Muang ខេត្ត​ភូកេតកាលពីថ្ងៃសៅរ៍។

​

រូបតំណាង

ហេតុការណ៍គ្រោះថ្នាក់ចរាចរណ៍នេះបានកើតឡើងនៅម៉ោងប្រហែល ៤ និង ៤០នាទី រសៀលនៅ​តំបន់ Soi Suksant ១ តាមបណ្តោយផ្លូវ Patak។ ​រថយន្តនោះបានបើកបរនៅលើផ្លូវ ហើយស្រាប់តែជ្រុលចង្កូតទៅបុកបង្គោលភ្លើង ដែលធ្វើឱ្យបង្គោលភ្លើងរលំហើយដួលនៅលើផ្លូវ។ បុរសម្នាក់​បាន​ស្លាប់នៅក្នុងរថយន្តដឹកទំនិ​ញហើយត្រូវបានគេស្គាល់ឈ្មោះថា ​ Thanapol Prachit អាយុ ៣១ឆ្នាំ មានស្រុកកំណើតនៅខេត្ត Chaiyaphum។

​

ក្នុងហេតុការណ៍នេះផងដែរមានបុរសម្នាក់ទៀតកំពុងជិះម៉ូតូនៅលើផ្លូវហើយបានរងរបួសធ្ងន់ដោយសារប៉ះទង្គិចនឹងបង្គោលភ្លើង​​ដែលដួលនោះ។ គាត់ត្រូវបានគេ​បញ្ជូនទៅមន្ទីរពេទ្យ Chalong ​ហើយបានស្លាប់ភ្លាមៗពេលទៅដល់មន្ទីរពេទ្យ។ លិខិតឆ្លងដែនដែលរកឃើញនៅលើខ្លួនគាត់បានបញ្ជាក់ថាគាត់មានឈ្មោះ Hlaing Myo Win អាយុ ២៨ឆ្នាំ ជនជាតិមីយ៉ាន់ម៉ា។ សាកសពជនរងគ្រោះទាំង ២នាក់ត្រូវបានបញ្ជូនទៅមន្ទីរពេទ្យ​ Vachira ខេត្តភូកេតដើម្បីធ្វើកោសល្យវិច័យ។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9287801