Sign In 
ភ្នំពេញ៖ រហូតដល់ម៉ោង ៨ និង ១០នាទីព្រឹក ថ្ងៃទី ៣១ ឧសភា ២០២០នេះ នាយកដ្ឋានប្រយុទ្ធនឹងជំងឺឆ្លង CDC បញ្ជាក់ថា ពុំរកឃើញករណីជំងឺកូវីដ-១៩ ថ្មីទេ។ ចំនួនសរុបកូវីដ-១៩ ១២៥នាក់ដដែល ចំនួនសំរាកពេទ្យនៅ២នាក់ ចំនួនជាសះស្បើយសរុបចំនួន១២៣នាក់ និងស្លាប់គ្មាន ។
តាមហ្វេសប៊ុក CDC នៅព្រឹកនេះ បានឲ្យដឹងថា ជំងឺកូវីដ-១៩ នៅតែបន្តគម្រាមកំហែងយើងជាប់ជានិច្ច សូមបងប្អូនបន្តប្រយ័ត្នជាប់ជានិច្ច ដោយធ្វើអនាម័យ នៅឃ្លាតឆ្ងាយពីគ្នា មិនចេញក្រៅផ្ទះបើមិនចាំបាច់ ព្រោះប្រទេសជិតខាងយើង និងពិភពលោកកំពុងបន្តរាតត្បាតជំងឺកូវីដ១៩ ដ៏ខ្លាំងក្លានៅឡើយ។
នាយកដ្ឋានប្រយុទ្ធនឹងជំងឺឆ្លង លើកទឹកចិត្តឲ្យបន្តអនុវត្តគម្លាតសង្គម ដូចជាពន្យារការរៀបអាពាហ៌ពិពាហ៌ ពិធីជប់លៀង ការចាក់ធុងបាសរាំជាដើម ។ ល។ ជាមួយគ្នានោះ យើងក៏ត្រូវបន្តគម្លាតបុគ្គលផងដែរ ដូចជាអង្គុយគម្លាតពីគ្នា ឈររងចាំគម្លាតពីគ្នា ឈរជជែកគ្នាគម្លាតពីគ្នាជាដើម៕ ដោយ៖ ប៊ុនធឿន
