កាលពីថ្ងៃសុក្ររដ្ឋាភិបាលថៃបានរាយការណ៍ករណីថ្មីនៃអ្នកឆ្លងមេរោគកូវីដ-១៩ចំនួន ១១នាក់ ដែលពួកគេសុទ្ធតែជាជនថៃមកពីប្រទេស​ Kuwaitទាំងអស់។ ​

រូបតំណាង

លោកវេជ្ជបណ្ឌិត Taweesilp Visanuyothin អ្នកនាំពាក្យមជ្ឈមណ្ឌល​រដ្ឋបាលស្ថាន​ភាពមេរោគកូវីដ-១៩ បានមានប្រសាសន៍ថាពួកគេទាំងនោះ​ស្ថិតក្នុងវ័យធ្វើការ និងមានអាការមិនស្រួលខ្លួនហើយមានរោគសញ្ញាស្រាល។ ចំនួនអ្នកឆ្លងក្នុងប្រទេសបានកើនឡើង​ដល់ ៣០៧៦នាក់។ ក្នុងចំណោមនោះ មានអ្នកជំងឺចំនួន ២៩៤៥នាក់បានជាសះស្បើយ​ និង៧៤នាក់ទៀតកំពុងសម្រាកព្យាបាលនៅក្នុងមន្ទីរពេទ្យ។ ចំនួនអ្នកស្លាប់មិនមានការផ្លាស់ប្តូរទេគឺនៅចំនួន ៥៧នាក់ដដែល។

រូបតំណាង

អ្នកឆ្លងនៅទូទាំងពិភពលោកមាន​ចំនួនសរុប ៥.៩០លាននាក់​ និងមានអ្នកស្លាប់ចំនួន ៣៦២០២៤នាក់។ សហរដ្ឋអាមេរិកមាន​អ្នកឆ្លងច្រើនបំផុតចំនួន ១.៧៧ លាននាក់ និងមានអ្នកស្លាប់ច្រើនបំផុត​ចំ​នួន ១០៣៣៣០នាក់។ ប្រទេសថៃ​ឈរនៅចំណាត់ថ្នាក់ទី៧៧ ក្នុងចំណោម​ប្រទេសដែលត្រូវបានរាតត្បាតដោយមេរោគកូវីដ-១៩ នៅទូទាំងពិភពលោក។ សហរដ្ឋអាមេរិក ប្រេស៊ីល និងរុស្ស៊ីស្ថិតជាប្រទេសឈរលើ​លំដាប់កំពូលដែលមានចំនួនប្រជាជនឆ្លងច្រើនជាងគេ។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9283003