ក្មេងជំទង់ចំនួន ៣០នាក់ត្រូវបានចាប់ខ្លួនពីបទរំលោភលើក្រឹត្យគ្រាអាសន្ននិងបម្រាមគោចរពេលយប់របស់រដ្ឋាភិបាលដោយចូលរួមពិធីជប់លៀងខួបកំណើតនៅផ្ទះមួយក្នុងស្រុក Bang Lamung នៃខេត្ត Chon Buri ​កាលពីព្រឹកថ្ងៃសៅរ៍។

ប៉ូលិសមួយក្រុមបានឆ្មក់ចូលផ្ទះមួយក្នុងឃុំ Huay Yai នៃស្រុក Bang Lamuang នៅម៉ោងប្រហែល ៣និង ៣០នាទីព្រឹក ហើយបានប្រទះឃើញក្មេងជំទង់​ជាច្រើននាក់កំពុងរាំនៅខាង​ផ្ទះកើតហេតុ។ អ្នកខ្លះស្លៀក​ឈុតគេង ​ហើយអ្នកខ្លះទៀតស្លៀកឯកសណ្ឋានសាលា។ ប៉ូលិសបាននិយាយថាពិធីជប់លៀងនេះក៏ត្រូវបានផ្សាយផ្ទាល់តាមហ្វេសប៊ុកផងដែរ។ ​ក្នុងចំណោមពួកគេទាំងនោះមានក្មេងប្រុសចំនួន ១៤នាក់ត្រូវបាននាំខ្លួនទៅប៉ុស្តិ៍នគរបាល Huay Yai។

លោក Phichit Watthano អគ្គនាយករង​ស្នងការដ្ឋាននគរបាលបង្ក្រាបបទឧក្រិដ្ឋ​បាននិយាយថា ការចាប់ខ្លួននេះ​បានអនុវត្តឡើងបន្ទាប់ពីមានការ​ផ្តល់ដំណឹងពីអ្នកស្រុកថាមានពិធីខួបកំណើតមួយ​កំពុងប្រារព្ធធ្វើ​នៅក្នុងផ្ទះ។

កែសម្រួលដោយ៖ ភារ៉ា

ប្រភព៖ Bangkok post 

from： https://tnaot.com/km/m/detail/article/9280183