Sign In 
បើយោងតាមការចុះផ្សាយរបស់ The Sun បានឲ្យដឹងថា ក្លឹប Real Madrid កំពុងតែធ្វើការចរចានឹងក្លឹប Manhester United ក្នុងការនាំយកខ្សែបម្រើ Paul Pogba មកក្លឹបរបស់ខ្លួននៅរដូវកាលក្ដៅខាងមុខនេះ។ ក្លឹប Real Madridខាងលើចង់នាំយកខ្សែបម្រើសញ្ជាតិបារាំងរូបនេះ ដោយធ្វើការដោះដូរនឹងកីឡាករ ៤រូបរបស់ខ្លួន។
តាមប្រភពដដែលខាងលើនេះត្រូវបានគេសន្និដ្ឋានថា កីឡាករទាំង ៤រូបនោះអាចជា ខ្សែបម្រើ Martin Odegaard ខ្សែបម្រើ James Rodriguez ខ្សែបម្រើ Lucas Vazquez និងខ្សែប្រយុទ្ធ Brahim Diaz។ គួរបញ្ជាក់ផងដែរថា Pogba បានមកលេងឲ្យក្លឹប Manchester United តាំងពីឆ្នាំ ២០១៦មកក្នុងតម្លៃជាង ១១៧លានដុល្លារ ដោយកីឡាកររូបនេះបានចូលរួមការប្រកួតសរុប ១៤៣ប្រកួតនិងរកគ្រាប់បាល់បាន ៣១គ្រាប់៕
