Sign In 
FA Cup បានធ្វើការចេញសេចក្ដីសម្រេចជាផ្លូវការ នឹងចាប់ផ្ដើមការប្រកួតឡើងវិញចាប់ពីថ្ងៃទី២៧ ខែមិថុនា ឆ្នាំ២០២០ខាងមុខ។ ការចាប់ផ្ដើមនឹងធ្វើឡើង បន្តចាប់ពីការប្រកួតវគ្គ ៨ក្រុមចុងក្រោយទៅ ដោយបានកំណត់យកថ្ងៃទី២៧ ដល់ថ្ងៃទី២៨ ខែមិថុនា ឆ្នាំ២០២០។
រីឯប្រកួតវគ្គពាក់កណ្ដាលផ្ដាច់ព្រ័ត្រនឹងធ្វើឡើងចាប់ពីថ្ងៃទី១៨ ដល់ថ្ងៃទី១៩ ខែកក្កដា ឆ្នាំ២០២០ និងការប្រកួតវគ្គផ្ដាច់ព្រ័ត្រនឹងធ្វើឡើងនៅថ្ងៃទី០១ ខែសីហា ឆ្នាំ២០២០ខាងមុខនេះ។ គួរបញ្ជាក់ផងដែរថា FA Cup បានផ្អាកប្រកួតអស់ជាង ៣ខែមកហើយដោយសារតែជំងឺកូវីដ-១៩ ចាប់តាំងពីថ្ងៃទី១៣ ខែមីនា ឆ្នាំ២០២០កន្លងទៅ៕
