Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

លោកមហាធារ៖ នៅតែបន្តគ្រប់គ្រងបក្ស​ដដែល បើទោះត្រូវដកចេញពីបក្ស

អតីតនាយករដ្ឋមន្ត្រីម៉ាឡេស៊ី លោក​ Mahathir Mohamad បានបញ្ជាក់ថា លោក និងសម្ព័ន្ធមិត្តសំខាន់ៗ នៅតែរក្សាទំនាក់ទំនង និងគ្រប់គ្រង​បក្សដដែល បើទោះជាលោកត្រូវបានដកចេញពីបក្សហើយក្តី។

ការប្រកាសខាងលើរបស់អតីតនាយករដ្ឋមន្ត្រី បានបង្កឲ្យមានវិវាទយ៉ាងខ្លាំង នៅក្នុងឆាកនយោបាយរបស់ប្រទេសម៉ាឡេស៊ី ។ សារព័ត៌មាន​ South China Morningpost ​បានផ្សាយថា សកម្មភាពខាងលើ នឹងធ្វើឲ្យបក្សកាន់អំណាច​ម៉ាឡេស៊ី កាន់តែចុះខ្យោយ។

នៅក្នុង​សន្និសីទកាសែត លោក​ Mahathir បាន ប្រកាសថា​ លិខិតដែលផ្ញើទៅកាន់លោក កាលពីថ្ងៃទី២៨ ខែឧសភា​​ គឺជារឿងមិនស្របច្បាប់ ។​ នៅក្នុងលិខិត​របស់បក្ស PPBM បានបញ្ជាក់ថា លោក​ Mahathirបានសមគំនិតជាមួយ​បក្សប្រឆាំង ​ដើម្បីស្វែងរកការគាំទ្រ បន្ដឡើងកាន់តំណែងដឹកនាំម៉ាឡេស៊ីជាថ្មី ។

នាយករដ្ឋមន្ត្រី​ Muhyiddin Yassin ប្រធានគណបក្ស PPBM គឺជាចំណុចកណ្តាល​ នៅក្នុងវិវាទនយោបាយ ​។ អតីតនាយករដ្ឋមន្ត្រី​ម៉ាឡេស៊ី លោក​​ Mahathir បានបញ្ជាក់ថា​​ គឺលោក Muhyiddin Yassin ទើបជាមនុស្សដែលត្រូវ​ដកតំណែង ​ដោយសារតែបានធ្វើបក្សប្រហារ ធ្វើឲ្យលោក Mahathir អាយុ​៩៤ឆ្នាំ​ បាត់តំណែងជានាយករដ្ឋមន្ត្រីម៉ាឡេស៊ី ៕​ ប្រែសម្រួលដោយ៖ MEO

from: https://tnaot.com/km/m/detail/article/9279151