ក្រោយមានបាតុកម្មកើតឡើងជាប់គ្នា​​៣ កន្លងមក ហើយមានសញ្ញាកើនឡើងខ្ពស់ ក្លាយទៅជាអំពើហិង្សា​ អាមេរិកបានសម្រេចចាប់ខ្លួន ប៉ូលិសដែលយកជង្គង់សង្កត់ក បុរសស្បែកខ្មៅរហូតដល់ស្លាប់ ដើម្បីបញ្ចប់បាតុកម្ម។

ប៉ូលិសស្បែកសរ​ឈ្មោះ​ Derek Chauvin ដែលគេថតបានរូបភាពយកជង្គង់សង្កត់ក​បុរសស្បែកខ្មៅឈ្មោះ George Floyd អាយុ​៤៦ឆ្នាំ កាលពីថ្ងៃទី​២៥ខែឧសភា ​ហើយបានស្លាប់ពេលបញ្ជូនទៅដល់មន្ទីរពេទ្យ ពេលនេះត្រូវបានចោទប្រកាន់ទោសពីបទសម្លាប់មនុស្ស កម្រិតទី​៣ ។

ប៉ូលិស Derek Chauvin និងមិត្តរួមការងារ​៣នាក់ទៀតជាប់ពាក់ព័ន្ធករណីខាងលើ​ត្រូវបានដកហូតចេញពីស្ថាប័នប៉ូលិស Minneapolis។​ រដ្ឋអាជ្ញា Freeman បាននិយាយថាការស៊ើបអង្កេតទៅលើ ប៉ូលិស Derek Chauvin ដែលអាចប្រឈមនឹងការជាប់គុក​២៥ ឆ្នាំពីបទសម្លាប់មនុស្ស កំពុងតែបន្តស៊ើបអង្គេត ហើយនិងមានប៉ូលិស​មួយចំនួនទៀត​រងការចោទប្រកាន់ផងដែរ​។

នៅពេលនេះ ការិយាល័យស៊ើបអង្កេតសហរដ្ឋ (FBI) បានចូលរួមដើម្បី​ស្រាវជ្រាវពីបទល្មើស​បំពានសិទ្ធិមនុស្សយ៉ាងធ្ងន់ធ្ងូរបស់ប៉ូលិសទៅលើក្រុមជនជាតិស្បែកខ្មៅ

ជាមួយគ្នានេះដែរ ប្រធានាធិបតីអាមេរិក ដូណាល់ ត្រាំ បានលើកឡើងថា«ខ្ញុំយល់ពីក្តីឈឺចាប់»ទាំងនោះ ។​ សារព័ត៌មាន​NBC News ​បានផ្សាយថា ប្រធានាធិបតីដូណាល់ ត្រាំ កាលពីថ្ងៃទី​២៩ខែឧសភា បាន ជួបជាមួយគ្រួសារជនរងគ្រោះ​ តាមអនឡាញ ប្រធានាធិបតីត្រាំ​បានចូលរួមរំលែកទុក្ខ ដល់ការបាត់បង់សមាជិក ដោយសារតែសកម្មភាពរបស់ប៉ូលិសដែលមិនអាចលើកលែងបាន»៕ ប្រែសម្រួលដោយ៖ MEO

from： https://tnaot.com/km/m/detail/article/9278592