ការចេញផ្សាយអាល់ប៊ុមបទចម្រៀងខ្នាតតូច “Monster” របស់កញ្ញា Irene និងកញ្ញា Seulgi សមាជិកក្រុម Red Velvet ត្រូវបានពន្យារពេល ។
សមាជិកក្រុម Red Velvet ទាំងពីររូបនេះ ត្រូវបានបង្ហាញខ្លួនក្នុងអាល់ប៊ុមបទចម្រៀងខ្នាតតូច “Monster” ដែលបានកំណត់ចេញផ្សាយនៅថ្ងៃទី១៥ ខែមិថុនានេះ ប៉ុន្តែត្រូវបានពន្យាពេលរហូតដល់ពាក់កណ្តាលខែកក្កដាវិញ។ កាលពីថ្ងៃទី២៩ ខែឧសភា ផលិតកម្ម SM Entertainment បានប្រកាសថា “សូមថ្លែងអំណរគុណដល់អ្នកគាំទ្រទាំងអស់ ដែលបានបង្ហាញការចាប់អារម្មណ៍យ៉ាងខ្លាំងចំពោះ Irene និង Seulgi សមាជិកក្រុម Red Velvet ក្នុងអាល់ប៊ុមបទចម្រៀងខ្នាតតូចដំបូងបង្អស់ “Monster” នេះ ។
អាល់ប៊ុមបទចម្រៀងនេះត្រូវបានពន្យាពេល ដោយសារត្រូវការពេលវេលាបន្ថែមដើម្បីបញ្ចប់ រីឯកាលបរិច្ឆេទថ្មីសម្រាប់ការចេញផ្សាយបទចម្រៀងនេះ ពួកយើងនឹងជូនដំណឹងជាមុនម្តងទៀត ៕
ប្រែសម្រួលដោយ៖ វិបុត្រ
ប្រភព៖ allkpop