Sign In 
នាវាដឹកប្រេងទី៣របស់អ៊ីរ៉ង់ បានចូលដល់ឈូងសមុទ្រវេណេហ្ស៊ុយអេឡា កាលពីថ្ងៃទី២៨ ខែឧសភា ឆ្នាំ២០២០ ក្រោយពីធ្វើនាវាចរណ៍ រយៈពេលវែងឆ្ងាយពីតំបន់ឈូងសមុទ្រពែក្សរ៍ ។ 
ប្រព័ន្ធផ្សព្វផ្សាយ បានបញ្ជាក់ថា នាវាដឹកប្រេងអ៊ីរ៉ង់ ឈ្មោះ «Petunia» បានចូលមកដល់ដែនទឹក នៃប្រទេសវេណេហ្ស៊ុយអេឡា កាលពីព្រឹក ថ្ងៃទី២៧ ខែឧសភា ក្រោយពេលចូលដល់ដែនទឹក នៃសាធារណរដ្ឋបូលីវី នៅយប់មុននេះ។
នាវា Petunia ត្រូវបានអមដោយកងកម្លាំងប្រដាប់អាវុធ នៃប្រទេសវេណេហ្ស៊ុយអេឡា រហូតទាល់តែបោះយុថ្កា នៅក្នុងឈូងសមុទ្រ នៃប្រទេសអាហ្វ្រិកខាងត្បូងមួយនេះ ។ 
បន្ថែមពីការមកដល់នាវា Petunia នេះ ក៏នៅមាននាវាដឹកប្រេងអ៊ីរ៉ង់ ផ្សេងទៀត ត្រូវបានរំពឹងថា នឹងមកដល់វេណេហ្ស៊ុយអេឡា នៅប៉ុន្មានថ្ងៃឆាប់ៗខាងមុខ ខណៈសាធារណរដ្ឋអ៊ិស្លាមអ៊ីរ៉ង់ បន្តផ្គត់ផ្គង់ប្រេងដល់សម្ពន្ធមិត្តអាមេរិកខាងត្បូងរបស់ខ្លួន។ 
នៅពេលនាវា៤គ្រឿងបានមកដល់វេណេហ្ស៊ុយអេឡា ហើយនោះ នាវាអ៊ីរ៉ង់ចុងក្រោយទី៥ ត្រូវបានរំពឹងថា នឹងមកដល់នៅដើមខែកក្កដា ឆ្នាំ២០២០ ។ 
កាលពីថ្ងៃទី២៧ ខែឧសភា ឯកអគ្គរដ្ឋទូតអ៊ីរ៉ង់ ប្រចាំនៅទីក្រុងការ៉ាកាស បានថ្លែងប្រាប់បណ្តាញព័ត៌មាន IRNA ថា វេណេហ្ស៊ុយអេឡា បានបង់ថ្លៃពេញលេញ សម្រាប់ការផ្គត់ផ្គង់ប្រេងទាំងនោះ។ ប៉ុន្តែគេមិនដឹងថា វាដោះដូរគ្នា តាមរយៈលុយ ឬក៏តាមរយៈមាសនោះឡើយ ៕ ប្រែសម្រួលដោយ៖ thach yat
