កញ្ញា Mina សមាជិកក្រុម Gugudan នឹងចាកចេញពីតំណែងជាពីធីការនីក្នុងកម្មវិធីតន្រ្តី Music Core របស់ប្រទេសកូរ៉េខាងត្បូង ។
នៅថ្ងៃសៅរ៍ ទី៣០ ឧសភានេះ គឺជាការចាក់ផ្សាយចុងក្រោយរបស់ Mina ដែលជាពិធីការនីម្នាក់ក្នុងកម្មវិធីនេះ។ កញ្ញាបានជួយរៀបចំកម្មវិធីតន្រ្តីប្រចាំសប្តាហ៍មួយនេះអស់រយៈពេល ២ឆ្នាំ និង ៣ខែ ដោយបានធ្វើការជាមួយ Mark សមាជិកក្រុម NCT, Ong Seongwu, Chanhee សមាជិកក្រុម SF9, និង Hyunjin សមាជិកក្រុម Stray Kids ។
Mina បានចែករំលែកគំនិតរបស់កញ្ញាក្នុងការចាកចេញពីកម្មវិធីនេះ ដោយបាននិយាយថា ៖ “ខ្ញុំសូមអរគុណទៅដល់បុគ្គលិករួមការងារ និងមិត្តភក្តិដែលតែងតែយកចិត្តទុកដាក់ជាមួយគ្នាយ៉ាងកក់ក្តៅ ក្នុងការសហការក្នុងកម្មវិធីតន្ត្រី Music Core នេះ។ ខ្ញុំតែងតែរីករាយជាមួយការងារនេះកន្លងមក ៕
ប្រែសម្រួលដោយ៖ វិបុត្រ
ប្រភព៖ k-serial