បើទោះជាប្រទេសលោកខាងលិច ​និងសម្ពន្ធមិត្ត រួមមាន អាមេរិក អង់គ្លេស អូស្ត្រាលី និងកាណាដា ថ្កោលទោស​យ៉ាងខ្លាំង ជុំវិញច្បាប់​សន្តិសុខជាតិថ្មី សម្រាប់កោះហុងកុង ក្ដី ប៉ុន្ដែផ្ទុយទៅវិញ ក្រុមអ្នកមាន អ្នករកស៊ី និងមហាសេដ្ឋី នៅហុងកុង បានគាំទ្រយ៉ាងខ្លាំងដល់ច្បាប់សន្តិសុខនេះ។

នៅពេលនេះ ​មហាសេដ្ឋីលំដាប់ទីមួយ នៅកោះហុងកុង លោក Li Ka-shing ជាអ្នកបង្កើតក្រុមហ៊ុន CK Asset Holdings និង CK Hutchison Holdingscho បានលើកឡើងថា ការអនុម័ត​ច្បាប់​សន្តិសុខ គឺជាសិទ្ធិស្របច្បាប់​របស់បណ្តាប្រទេស ដែលមានអធិបតេយ្យភាព។ លោក​ Li Ka-shing បានបន្តទៀតថា ​«យើងមិនចាំបាច់ព្រួយបារម្ភ​ និង​វិភាគច្រើនអំពីបញ្ហានេះឡើយ។ ច្បាប់សន្តិសុខថ្មី នឹងជួយកាត់បន្ថយការព្រួយបារម្ភរបស់រដ្ឋាភិបាលទីក្រុងប៉េកាំង​ ចំពោះកោះហុងកុង »។

ក្រៅពីនេះ​ ក៏នៅមានមហាសេដ្ឋី​ហុងកុង​៥រូបផ្សេងទៀត បានគាំទ្រដល់សកម្មភាពរបស់រដ្ឋាភិបាលទីក្រុងប៉េកាំង។ មហាសេដ្ឋីផ្សេងទៀត បានលើកឡើងថា វិស័យសេដ្ឋកិច្ច​ហុងកុងនឹងលំបាករក្សានូវភាពល្អប្រសើរ ប្រសិនបើមិនមានច្បាប់សន្តិសុខថ្មីទេនោះ។ ច្បាប់ថ្មីនេះនឹងជួយរក្សាសន្តិសុខ និងស្ថិរភាពសង្គម​ គេចផុតពីការគំរាមកំហែងនានាផងដែរ៕ ប្រែសម្រួលដោយ៖ MEO

from： https://tnaot.com/km/m/detail/article/9275670