លីគបាល់ទាត់ Premier League នឹងចាប់ផ្តើមបើកការប្រកួតឡើងវិញចាប់ពីថ្ងៃទី១៧ ខែមិថុនា ខាងមុខ ប៉ុន្តែត្រូវលេងដោយមិនអនុញ្ញាតឱ្យមានអ្នកទស្សនាផ្ទាល់នៅក្នុងកីឡដ្ឋានទេ បន្ទាប់ពីនាយកប្រតិបត្តិនៃក្របខ័ណ្ឌ Premier League លោក Richard Masters បានបញ្ជាក់នៅថ្ងៃព្រហស្បតិ៍ សប្តាហ៍នេះ។

លីគកំពូលរបស់អង់គ្លេស ត្រូវបានពន្យាពេលកាលពីខែមីនា ដោយសារការរីករាលដាលជាសកលនៃមេរោគកូវីដ-១៩ ពោលគឺមានរយៈពេលជាង ៣ខែមកហើយ ដែលវិស័យមួយនេះផ្អាកមិនឱ្យមានសកម្មភាពរហូតមក។ ម្តងនេះ លីគ Premier League នឹងត្រូវលេងក្នុងមួយសប្តាហ៍ចំនួន ៧ថ្ងៃតែម្តង ពោលគឺចាប់ពីថ្ងៃចន្ទ ដល់អាទិត្យ។

លីគកំពូល Premier League បច្ចុប្បន្ន បានដំណើរការដល់សប្តាហ៍ទី ២៩ហើយ ដោយក្រុម Liverpool កំពុងឈរនៅកំពូលតារាងមាន ៨២ពិន្ទុ ដាច់ក្រុមឈរលេខ២ Manchester City ២៥ពិន្ទុ រីឯក្រុមឈរលេខ៣ Leicesster មាន ៥៣ពិន្ទុ។ ​បើកការប្រកួត​ឡើង​វិញ​ម្តងនេះ​ ​វា​ជា​ដំណឹង​ល្អ​សម្រាប់​ក្រុម Liverpool ​ដោយពួកគេ​រង់ចាំជ័យជម្នះតែ​២​ប្រកួត ​ទៀត​ប៉ុណ្ណោះ ​គឺ​អាច​លើក​ពាន​រង្វាន់ Premier League ​រដូវ​កាល​នេះបាន​ហើយ ​បន្ទាប់ពីខកខានក្លាយជាជើងឯក​​អស់​រយៈ​ពេល​ ៣០​ឆ្នាំកន្លងទៅ៕​

កែសម្រួលដោយ៖ ភារ៉ា

ប្រភព៖ BBC

from： https://tnaot.com/km/m/detail/article/9275070