អតីតតារាចម្រៀងដ៏ល្បីឈ្មោះដែលមានទឹកដមសំឡេងស្រួយដូចសារិកាកញ្ញា ទូច ស៊ុននិច ដែលនៅស្ងប់ស្ងាត់ច្រើនឆ្នាំមកហើយ និងមិនដែលបានបង្ហាញមុខនៅលើទំព័រហ្វេសប៊ុកសូម្បីតែម្តង។
ថ្មីៗនេះ ទូច ស៊ុននិច បានចេញមុខសារជាថ្មី ឆ្លើយតបទៅ ម៉េង កែវពេជ្ជតា ដែលបានចោទប្រកាន់មកលើខ្លួន។ នេះបើយោងទៅតាម Youtube ផ្លូវការ ទូចស៊ុននិច បានឲ្យដឹងថា៖ នាងមិនចង់ធ្វើការបកស្រាយអ្វីទេ ប៉ុន្តែមិនអស់ចិត្តនឹងការអធិប្បាយរបស់រៀមច្បងនេះពាក់ព័ន្ធនឹងខ្លួន ទើបសម្រេចចិត្តនិយាយបកស្រាយ ឲ្យប្រិយមិត្តអ្នកគាំទ្របានដឹងច្បាស់សាច់រឿងទាំងអស់គ្នា។
កាលណោះ ទូច ស៊ុននិច បានឡើងច្រៀងបទ “សូមពុកវិលវិញ” ហើយរៀមច្បងលើកឡើងថា នាងច្រៀងតាមខ្លួន និងចង់ល្បីតាមខ្លួន។ ចំពោះបញ្ហានេះ កញ្ញា ទូច ស៊ុននិច បញ្ជាក់ថា កាលណោះ នាងទើបតែអាយុបាន ៨-៩ឆ្នាំ អត់ដែលស្គាល់រៀមច្បង ម៉េង កែវពេជ្ជតា ជានរណាផង។ “ដូច្នេះ បងថាខ្ញុំច្រៀងបទ “សូមពុកវិលវិញ” នេះថា ចង់ល្បីតាមបងហ្នឹង ដូចមិនសមហេតុផលសោះ!”។
គួរបញ្ជាក់ផងដែរថា តាមរយៈវីដេអូដែលមិនចេញមុខ លឺតែសំឡេង ទូច ស៊ុននិច បានលើកឡើងតបទៅនឹងការ Live វីដេអូរបស់រៀមច្បងអ្នកនាង ម៉េង កែវពេជ្ជតា កាលពីប្រមាណ១សប្ដាហ៍មុន ជុំវិញបញ្ហានេះ គិត មកត្រឹម ថ្ងៃទី២៧ ខែឧសភា ឆ្នាំ២០២០ រៀមច្បងរូបនោះក៏មិនទាន់ចេញមុខបកស្រាយទេ សង្ឃឹមថានាង និងចេញមុខស្រាយបំភ្លឺឲ្យមហាជបានដឹងក្នុងពេលឆាប់ៗនេះ៕