សភារបស់ប្រទេសចិន នៅថ្ងៃទី២៨ ខែឧសភា ឆ្នាំ២០២០ បានអនុម័តច្បាប់សន្តិសុខជាតិមួយ នឹងបង្កើនសន្តិសុខ នៅកោះហុងកុង ។ នេះបើតាមការផ្សាយរបស់ប្រភពគេហទំព័រ RT​ នៅថ្ងៃទី២៨ ខែឧសភា ឆ្នាំ២០២០។ 

រាល់បាតុកម្មប្រឆាំងតវ៉ាទៅលើទីក្រុងប៉េកាំង​ តែងតែកើតមានឡើងជាញឹកញាប់ នៅទីក្រុងស្វយ័តកោះហុងកុង ត្រូវបានគ្រប់គ្រងដោយសេចក្តីព្រាងច្បាប់មួយនេះ ចាប់ពីពេលនេះតទៅ។

ច្បាប់ស្តីអំពី​សន្តិសុខជាតិហុងកុង ត្រូវបានអនុម័ត ដោយសមាជជាតិ (NPC) នៅទីក្រុងប៉េកាំង ហើយឥឡូវនេះនឹងបញ្ជូន​ទៅកាន់ថ្នាក់ដឹកនាំរបស់ប្រទេស ដើម្បីចុះហត្ថលេខាអនុម័តសម្រេចចូលជាធរមាន ។ សម័យប្រជុំសភាពេញអង្គរបស់ចិន មានការចូលរួម ដោយលោកប្រធានាធិបតី ស៊ី ជីនពីង និងលោកនាយករដ្ឋមន្ត្រី លី ខឺឈាង ផងដែរ។

ព័ត៌មានលម្អិតស្តីអំពីច្បាប់សន្តិសុខជាតិថ្មី ដែលគេរំពឹងថា ចូលជាធរមាន នៅខែសីហា ឆ្នាំ២០២០នេះ នៅមិនទាន់ត្រូវបានផ្សព្វផ្សាយជាសាធារណៈនៅឡើយ។ 

ច្បាប់ថ្មីនេះ គេជឿថា ជាការដាក់ទណ្ឌកម្មយ៉ាងតឹងរ៉ឹង ចំពោះអ្នកទាំងឡាយណា ដែលប្រមាថទៅលើនិមិត្តរូបជាតិរបស់ប្រទេសចិន ការប៉ុនប៉ងផ្តាច់ខ្លួនចេញពីប្រទេសចិន​ ក៏ដូចការជ្រៀតជ្រែក​ មកពីប្រភពខាងក្រៅ​ចូលកិច្ចការហុងកុង …ជាដើម។

ទោះជាយ៉ាងណា មានមតិជាច្រើន បានលើកឡើងថា ច្បាប់ថ្មីនេះប្រហែលជាប្រើប្រាស់នូវអំពើហិង្សា ដើម្បីបំភិតបំភ័យប្រជាជន ដើម្បីបង្កនូវបុព្វហេតុនយោបាយអនាគតជាក់ជាពុំខាន៕ ប្រែសម្រួលដោយ៖ thach yat 

from： https://tnaot.com/km/m/detail/article/9269342