កីឡាការិនីតៃក្វាន់ដូកម្ពុជា ស៊ន សៀវម៉ី ដែលជាម្ចាស់មេដាយមាសអាស៊ីលើកទី១៧ នៅទីក្រុងអ៊ីឈ័ន ប្រទេសកូរ៉េខាងត្បូងបានប្រារព្វពិធីភ្ជាប់ពាក្យស្ងាត់ៗ នៅគេហដ្ឋានរបស់នាងផ្ទាល់ នៅថ្ងៃទី ២៨ ខែ ឧសភា ឆ្នាំ ២០២០ នាសង្កាត់គីឡូម៉ែត្រលេខ៩ រាជធានីភ្នំពេញ បង្ករឲ្យមានការភ្ញាក់ផ្អើលយ៉ាងខ្លាំងដល់មហាជន ព្រមទាំងមានការចែករំលែកពាសពេញបណ្ដាញសង្គមហ្វេសប៊ុកផងដែរ។
ក្រោយពីបានឃើញទិដ្ឋភាពភ្ជាប់ពាក្យរបស់ កីឡាការិនីតៃក្វាន់ដូកម្ពុជា ស៊ន សៀវម៉ី មហាជនមិនតិចនាក់ទេដែលចង់ដឹងពីប្រវត្តិរូបខ្លះៗរបស់អនាគតស្វាមីរបស់នាងផ្ទាល់។
មន្ទិលសង្ស័យរបស់មហាជនមិនតិចនាក់ទេដែលយល់ច្រលំថាអនាគតស្វាមីរបស់កីឡាការិនីតៃក្វាន់ដូកម្ពុជា ជាកីឡាករ ជាក់ស្ដែងអនាគតស្វាមីរបស់ ស៊ន សៀវម៉ី មានឈ្មោះថា កែវ ដេវីត ជាម្ចាស់ហាងថតរូបដ៏ល្បីមួយនឹងជាអ្នកជំនាញខាងថតរូបក្នុងកម្មវិធីធំៗនិងថត Pre-wedding ជាដើម។ គួរឲ្យដឹងផងដែរថាមង្គលការរបស់ កញ្ញា ស៊ន សៀវម៉ី និងស្វាមី ត្រៀមប្រព្រឹត្តឡើងខណៈស្ថានភាពជំងឺកូវីដ ១៩ នៅប្រទេសកម្ពុជាមានសភាពស្ងប់ស្ងាត់វិញផងដែរ៕