កញ្ញា Lady Gaga បាននិយាយអំពីបទពិសោធន៍ល្អៗដែលបានសហការជាមួយក្រុមតារាចម្រៀង BLACKPINK ក្នុងបទចម្រៀងថ្មីមួយបទ ដែលមានចំណងជើងថា “Sour Candy” ។
នៅក្នុងបទសម្ភាសន៍កាលពីពេលថ្មីៗនេះ តាមរយៈប្រព័ន្ធផ្សព្វផ្សាយរបស់ប្រទេសជប៉ុនបានលើកឡើងថា Lady Gaga បានទាក់ទងទៅក្រុមតារាចម្រៀង BLACKPINK ហើយពួកគេពិតជាសប្បាយរីករាយក្នុងការសហការជាមួយគ្នាលើកនេះ។ កញ្ញាក៏បានដាក់ឈ្មោះឱ្យក្រុម BLACKPINK ថា “ជាក្រុមនារីដែលមានភាពអស្ចារ្យ” ហើយកញ្ញាពិតជាសរសើរយ៉ាងខ្លាំងនូវសម្លេងដ៏ល្អ នៃសមាជិកក្រុមពួកគេទាំង ៤រូប ។
គួរបញ្ជាកផងដែរថា នេះជាបទចម្រៀងលើកដំបូងរបស់ Lady Gaga ដែលបានសហការជាមួយក្រុមតារាចម្រៀង BLACKPINK របស់ប្រទេសកូរ៉េខាងត្បូង ៕
ប្រែសម្រួលដោយ៖ វិបុត្រ
ប្រភព៖ allkpop