ប្រព័ន្ធផ្សព្វផ្សាយ​របស់ប្រទេសថៃ បានផ្សាយ​នៅថ្ងៃទី២៧ ខែឧសភា ឆ្នាំ២០២០ថា មនុស្ស​យ៉ាងតិច​៣នាក់​បានស្លាប់ នៅក្នុងហេតុការណ៍បាញ់ប្រហារមួយ​​​នៅស្ថានីយផ្សាយវិទ្យុ​សាធារណៈ ។ 

ប្រភពបានបញ្ជាក់ថា ខ្មាន់កាំភ្លើងគឺជាបុគ្គលិកក្នុងស្ថានីយវិទ្យុសាធារណៈ NBT ស្ថិតនៅទីក្រុង Phitsanulok ខេត្ត Phitsanulok ភាគខាងជើង​របស់ប្រទេសថៃ ។ 

ប្រភពថា ខ្មាន់កាំភ្លើង​មានការអាក់អន់ចិត្ត​​ទៅនឹងរឿង​អ្វីមួយ​ជាមួយសហសេវិក​រួមការងារក្នុងស្ថានីយវិទ្យុនេះ ហើយឈានដល់ការបាញ់ប្រហារតែម្តង ស្លាប់សរុប​៣នាក់ ។ ប៉ូលិសថៃ បាននិងកំពុងស៊ើប​អង្កេត​ទាក់ទង​ការផ្ទុះអាវុធនេះ ។ 

 ប្រភពខ្លះបានផ្សាយថា ជនរងគ្រោះ​គឺនាយកស្ថានីយ៍ម្នាក់ និងវិស្វករជាន់ខ្ពស់ពីរនាក់បានស្លាប់ ។ មនុស្សម្នាក់ទៀតបានរងរបួស និងត្រូវបានបញ្ជូនទៅមន្ទីរពេទ្យ បន្ទាប់ពីការបាញ់ប្រហារនេះ។

ខ្មាន់កាំភ្លើងត្រូវបានគេស្គាល់ថា ជាជាងមេកានិចធ្វើការនៅស្ថានីយនេះដែរ ។ ជននេះត្រូវបានសន្មតថា បានប្រើអំពើហិង្សានៅកន្លែងធ្វើការ ។ ប៉ូលិសបានចាប់ខ្លួនខ្មាន់កាំភ្លើង និងដកហូតបានកាំភ្លើងខ្លីពីរដើម ៕ ប្រែសម្រួលដោយ៖ thach yat 

from： https://tnaot.com/km/m/detail/article/9263610