Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

ដោយសារមូលហេតុនេះទើប Sir Alex សម្រេចមិនទិញ Henry មុនពេលសាមីខ្លួនផ្ទេរទៅ Arsenal

អតីតប្រធានសន្ដិសុខនៅក្លឹបបិសាចក្រហម Manchester United បានអះអាងថា Sir Alex Ferguson មានឱកាសក្នុងការចុះកុងត្រានាំ Thierry Henry មកចូលរួមក្នុងក្រុម ប៉ុន្ដែបានបដិសេធទៅវិញដោយសារមូលហេតុ រូបគេតែងតែងាយរងរបួស មុនពេលសាមីខ្លូនចូលរួមជាមួយក្រុមកាំភ្លើងធំ Arsenal។

Henry បានជាប់ឈ្មោះជាវីរបុរសរបស់ Arsenal ក្រោយស៊ុតបញ្ចូលទីកំណត់ត្រា ២២៨គ្រាប់ ក្នុង៣៧៥ប្រកួតសម្រាប់ក្លឹប និងបញ្ជូនបានចំនួន៩២ដងផងដែរ ជាពិសេសបានក្លាយជាផ្នែកសំខាន់របស់ក្លឹប ក្នុងការឈ្នះពានមាសលីគដោយប្រកួតមិនដែលចាញ់សោះក្នុងមួយរដូវកាល ២០០៣-២០០៤។

យ៉ាងណាក្ដីបើយោងតាមលោក Ned Kelly ដែលជាអតីតប្រធានសន្ដិសុខនៅ Old Trafford បាននិយាយប្រាប់ beIN Sports ថា៖ «ក្នុងបន្ទប់ក្រោយចប់ការប្រកួត ទូរស័ព្ទរបស់បងប្រុស Eric Catona ឈ្មោះ Jean-Marie បាននិយាយថា ឆាប់ប្រាប់ Sir Alex ទៅ, Thierry Henry ចង់មកកាន់ក្លឹបនេះ»។

«វាជាជម្រើសរបស់គេគឺមកទីនេះ មុនពេលផ្លាស់ទៅ Arsenal។ ហើយ Sir Alex និយាយថា «គ្មានផ្លូវទេ, គេងាយរងរបួសណាស់។ ក្រោយមកគេក៏បានទៅ Arsenal, ប្រវត្ដិសាស្រ្ដក៏បានកើតឡើងមកទល់សព្វថៃ្ង»៕

ប្រភព៖ Dailymail

from: https://tnaot.com/km/m/detail/article/9263269