កាលពីថ្ងៃអង្គារ​អ្នកនាំពាក្យក្រសួងសុខាភិបាលបានមានប្រសាសន៍ថា រដ្ឋាភិបាលបានបញ្ជាក់ពីករណីថ្មីនៃអ្នកឆ្លង​វីរុស​កូវីដ-១៩ ចំនួន ៣នាក់បន្ថែមទៀត ដែលពួកគេសុទ្ធសឹងតែជាអ្នកដែលបាន​ដាក់ឱ្យនៅដាច់ដោយឡែក ​និងមិនមានអ្នកស្លាប់​ថ្មីទេ។

លោកវេជ្ជបណ្ឌិត Taweesilp បាន​មានប្រសាសន៍ថាអ្នកឆ្លងថ្មីទី១​គឺជាស្ត្រិជនជាតិថៃម្នាក់មានមុខរបរជាអ្នកធ្វើសរសៃ ដែលមានអាយុ ៥១ឆ្នាំ​​បានវិលត្រឡប់មកពីប្រទេសរុស្ស៊ីវិញនៅថ្ងៃទី ១២ ខែឧសភានិងត្រូវបាន​ដាក់ឱ្យនៅដាច់ដោយឡែកនៅមណ្ខលនៃខេត្ត Chon Buri ។ នាងមិនមានរោគសញ្ញាអ្វីទេ ប៉ុន្តែបានធ្វើតេស្តវិជ្ជមាននៃ​វីរុសកូវីដ-១៩កាលពីថ្ងៃចន្ទ។ អ្នកឆ្លងពីរនាក់ទៀតជាបុរសថៃអាយុ ៤៥ឆ្នាំដែលបានវិលត្រឡប់មកពីធ្វើការនៅប្រទេសKuwaitកាលពីថ្ងៃទី២៤ ខែឧសភាហើយត្រូវបានគេដាក់ឱ្យនៅដាច់ដោយឡែកនៅខេត្ត​Samut Prakan។ ពួកគេមានអាការក្អកហើយបានធ្វើតេស្តវិជ្ជមាននៅថ្ងៃចន្ទ។ ក្នុងចំណោម​អ្នកឆ្លងទាំង ៣០៤៥ នាក់មានអ្នកជំងឺចំនួន ២២២៩នាក់ដែលបានជាសះស្បើយ ហើយបន្សល់អ្នកជំងឺ ៥៥ នាក់​​បន្តសម្រាកព្យាបាលនៅមន្ទីរពេទ្យនៅឡើយ។ គួរបញ្ចាក់ផងដែរថា ​ចំនួនអ្នកស្លាប់នៅរក្សាចំនួន ៥៧នាក់ដដែល។

រូបតំណាង

លោកវេជ្ជបណ្ឌិត Taweesilp បាន​បន្ថែមថាក្នុងរយៈពេល ៤សប្តាហ៍កន្លងមកនេះ ​មានខេត្តចំនួន ៦៥ក្នុងប្រទេសថៃដែល ​មិនមានអ្នកឆ្លងវីរុសកូវីដ-១៩ថ្មី។  លោកបានមានប្រសាសន៍ថា «ស្ថានភាពនៅក្នុងប្រទេសថៃកំពុងមានភាពប្រសើរឡើងដោយសារកិច្ចសហប្រតិបត្តិការសាធារណៈ។ ឥឡូវនេះយើងកំពុងឆ្ពោះទៅរកដំណាក់កាលទីបីនៃការបន្ធូរបន្ថយច្បាប់រឹតបន្តឹងអាជីវកម្ម​។ ប្រទេសថៃទំនងជា​បើកដំណើរការអាជីវកម្មនិងសកម្មភាពកម្សាន្តផ្សេងៗទៀតដែលមានហានិភ័យខ្ពស់។ ពួកគេអាចនឹងចាប់ផ្តើមឡើងវិញជាមួយនឹងវិធានការត្រួតពិនិត្យជំងឺយ៉ាងតឹងរឹង»។  

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9260894