ឧទ្ធម្ភាគចក្រយោធាប្រភេទ ​Mi-8 ​របស់រុស្ស៊ី​ បានព្យាយាមចុះចត នៅអាកាសយានដ្ឋាន​ Anadyr តែមិនបានសម្រេច ក៏ជួបនឹងគ្រោះថ្នាក់ បណ្តាលឲ្យអ្នកនៅលើឧទ្ធម្ភាគចក្រទាំងអស់ស្លាប់​។

សារព័ត៌មាន Sputnik របស់រុស្ស៊ី បានផ្សាយ នៅថ្ងៃទី២៦ ខែឧសភា ថា ឧទ្ធម្ភាគចក្រ មានមនុស្ស​៤នាក់​ បានស្លាប់ទាំងអស់។ មន្ត្រីគ្រប់គ្រងគ្រោះអាសន្នរុស្ស៊ី​ បាន​បញ្ជាក់ថា បញ្ហាបច្ចេកទេស​ បង្ខំឲ្យឧទ្ធម្ភាគចក្រ ត្រូវចុះចត​ជាបន្ទាន់។ ឧទ្ធម្ភាគចក្រខាងលើ បានធ្លាក់ចុះពីកម្ពស់​១៥​ម៉ែត្រ ហើយឆាបឆេះតែម្តង។

ក្រុមពន្លត់អគ្គិភ័យ​បានពន្លត់ភ្លាមៗនោះ ដោយស្ថិតនៅក្នុងបរិវេណអាកាសយានដ្ឋាន​ ងាយស្រួលក្នុងការគ្រប់គ្រង។ ក្រុមអ្នកជំនាញនឹង​ស្រាវជ្រាវពីមូលហេតុ​ នៅតាមប្រអប់ខ្មៅទាំងពីរ ​នៅលើឧទ្ធម្ភាគចក្រនោះ ក្នុង​នោះ​មានប្រអបខ្មៅផ្ទុកទិន្នន័យហោះហើរ និងមួយទៀតផ្ទុកសំឡេង។

ឧទ្ធម្ភាគចក្រ​ Mi 8​ បានហោះហើរជាលើកដំបូង នៅឆ្នាំ​១៩៦១​ ហើយត្រូវបានកម្លាំងទាហានសូវៀត ប្រើប្រាស់ នៅឆ្នាំ​១៩៦៧។ ​ឧទ្ធម្ភាគចក្រប្រភេទនេះ ត្រូវបានអភិវឌ្ឍជាច្រើនប្រភេទទៀត ​ក្នុងនោះមាន Mi 8T អាចដឹកទាហានបានចំនួន​២៤នាក់ ហើយអាចបំពាក់មីស៊ីលប្រឆាំងនឹងរថក្រោះផងដែរ។

បច្ចុប្បន្ន មានប្រទេសចំនួន៥០នៅតែបន្ដប្រើប្រាស់ឧទ្ធម្ភាគចក្រប្រភេទនេះ ក្នុងនោះមានឥណ្ឌា ចិន អ៊ីរ៉ង់​… ជាដើម។ បច្ចុប្បន្នឧទ្ធម្ភាគចក្រ​ Mi-8 មាន​១២ពាន់គ្រឿង ហើយមាន ២៨០០គ្រឿង​ លក់ទៅឲ្យ ប្រទេស​ជាមិត្តជាង៥០​៕ ប្រែសម្រួលដោយ៖ MEO

from： https://tnaot.com/km/m/detail/article/9260706