អ្នកនយោបាយ វ័យ​៧៧ឆ្នាំ និងភរិយា លោកស្រី Jill Biden បានអនុវត្តច្បាប់បម្រាមគោរចរ ​ដោយនៅក្នុងផ្ទះ ក្នុងទីក្រុង Wilmington ​រដ្ឋ Delaware អស់រយៈពេល​២ខែកន្លងមក​ ដើម្បីបញ្ចៀសការឆ្លងកូវីដ​១៩ ។

កាលពីថ្ងៃទី​២៥ ខែឧសភា លោក Biden ​បានចូលរួមនៅក្នុងពិធីខួបអនុស្សាវរីយ៍ នៅទីក្រុង New Castle រដ្ឋ Delaware។ ​នេះជាលើកទីមួយហើយ លោកបានបង្ហាញខ្លួនជាសាធារណៈក្រោយ នៅក្នុងផ្ទះ អស់រយៈពេល​២ខែ។ ​ការបង្ហាញខ្លួនចុងក្រោយបំផុតនេះ គឺនៅថ្ងៃទី​១៥ ខែមីនា តាមកញ្ចក់ទូរទស្សន៍​ ដោយមិនមាន​ពលរដ្ឋចូលរួមនោះឡើយ។

ដោយឡែកប្រធានាធិបតី ដូណាល់ ត្រាំ វិញ ក៏បានទៅកាន់កន្លែងបញ្ចុះសព​ Arlington ​ដើម្បីគោរពដល់ក្រុមគ្រូពេទ្យ​ ដែលបានលះបង់ជីវិត​ នៅក្នុងសង្គ្រាមប្រឆាំងនឹងកូវីដ​១៩ ។

ការបោះឆ្នោតប្រធានាធិបតីអាមេរិក​ នាឆ្នាំ​២០២០ កាន់តែខិតចូលមកជិតហើយ ប៉ុន្តែបេក្ខភាពប្រធានាធិបតី ប្រឈមនឹងបញ្ហាជាច្រើន ដោយសារតែ​ច្បាប់គម្លាតសង្គម ទើបធ្វើឲ្យសកម្មភាពឃោសនាបោះឆ្នោត​ត្រូវរាំងស្ទះ។ បើតាមការស្ទង់មតិ នាពេលកន្លងមក​​ លោក Joe Biden ​ទទួលបានការគាំទ្រខ្ពស់ជាងប្រធានាធិបតី ដូណាល់ ត្រាំ​ ដោយសារតែបញ្ហាកូវីដ​១៩ ធ្វើឲ្យលោក ត្រាំ ធ្លាក់ប្រិយភាព៕ ប្រែសម្រួលដោយ៖​ MEO

from： https://tnaot.com/km/m/detail/article/9260501