អតីតអ្នកបើកឡានក្រុងអាយុ ៦២ឆ្នាំ ម្នាក់បានលង់ទឹកនៅក្នុងវាលភក់មួយនៅពេលដែល​លោកបានចេញនេសាទដោយប្រើទូកតូចមួយ ប៉ុន្តែវាបាន​ក្រឡាប់អំឡុងពេលមានព្យុះដ៏ខ្លាំងនៅស្រុកមឿងកាលពីរសៀលថ្ងៃចន្ទ។

រូបតំណាង

តាមប្រភពលោកប៉ូលិស Sithisak Polasaen ប្រចាំស្រុកមឿងបានឱ្យដឹងថា ជនរងគ្រោះ​បានបាត់ខ្លួននៅម៉ោងប្រហែល ៤ និង ៣០នាទីរសៀល នៅវាលភក់បឹង​Bung Thung Sang។ ប៉ូលិសនិងក្រុមអ្នកជួយសង្គ្រោះ​ Sawang Khon Kaen Samakkhi Uthit បានចាប់ផ្តើមស្វែងរក​លោកBoonsuan Nareechan ដែលជាជនរងគ្រោះធ្លាប់បើកបរឡានក្រុងលេខ ៩ នៅទីក្រុង Khon Kaen ។ ពួកគេបានរកឃើញសាកសពជនរងគ្រោះឃើញប្រហែលជាបួនម៉ោងក្រោយមក។

​អ្នកស្រី Kesinee Saengmeekhun អាយុ ៣១ឆ្នាំ បានប្រាប់ប៉ូលិសថា នាងបានឃើញជនរងគ្រោះលោក Booonuan ចេញទូកនេសាទ​នៅកណ្តាលបឹង​។ ក្រោយមកមានខ្យល់ព្យុះបានបោកបក់ភ្លាមៗនៅតំបន់នោះ ​ទូកនេសាទតូចត្រូវបានក្រឡាប់ហើយលោក Boonsuan ក៏បានបាត់ខ្លួនទៅក្នុងទឹក។ ក្រោមមក អ្នកស្រី Kesineeក៏បានខលទៅលេខ១៩១ជាបន្ទាន់។

កែសម្រួលដោយ៖ ភារ៉ា

ប្រភព៖ Bangkok Post

from： https://tnaot.com/km/m/detail/article/9260424