ទីភ្នាក់ងារសារព័ត៌មានចិន ស៊ីនហួ បានផ្សាយ នៅថ្ងៃទី២៥ ខែឧសភា ថា ចិនបានផលិតយន្ដហោះចុះចតលើគោក និងក្នុងទឹក ប្រភេទ AG600  ដ៏ទំនើបរបស់ខ្លួន នៅត្រីមាសទី២ នៃឆ្នាំនេះ។

ប្រភពព័ត៌មានដដែល បានបបញ្ជាក់ថា យន្ដហោះ ប្រភេទ AG600 នេះ អាចប្រតិបត្ដិការហោះហើរ ចេញពីលើគោក ឬពីលើដែនទឹក។ ប៉ុន្ដែនៅពេលដាក់បង្ហាញនោះ យន្ដហោះ AG600 នេះ​បានហោះចេញពីលើផ្ទៃទឹក នៅតំបន់ឆ្នេរសមុទ្រ នៃទីក្រុង Qingdao ខេត្តសានទុង (Shandong) នាភាគខាងកើត នៃប្រទេសចិន។

បើតាមក្រុមហ៊ុន AVIC ​ជាអ្នកផលិតយន្ដហោះខាងលើ បានបញ្ជាក់ថា ក្រុមហ៊ុន បានដាក់ឲ្យ​ដំណើរការហោះហើរនូវយន្ដហោះដ៏ទំនើបរបស់ខ្លួន។ ការហោះហើរនេះ អាចនឹងក្លាយជាការជំហានមួយ នៃគម្រោងអភិវឌ្ឍន៍យន្តហោះ AG600 ផងដែរ។

ប្រភពព័ត៌មានដដែល បានបន្ដថា យន្ដហោះ AG600 ត្រូវបានហៅម្យ៉ាងទៀត  Kunlong ។  នេះជាប្រភេទយន្ដហោះខ្នាតធំបំផុត នៅលើពិភពលោក ដោយវាអាចហោះហើរ និងចុះចត ទាំងនៅលើដីគោក និងផ្ទៃទឹក។ យន្ដហោះ AG600 នឹងត្រូវប្រើប្រាស់ សម្រាប់ប្រតិបត្តិការជួយសង្រ្គោះ  គ្រប់គ្រង និងបង្ការគ្រោះមហន្តរាយនានាផងដែរ៕  ប្រែសម្រួលដោយ Nuon

from： https://tnaot.com/km/m/detail/article/9257760