Sign In 
តួកគីបានបញ្ជាក់ឲ្យដឹងថា ប្រទេសនេះមានការឆ្លងកើនឡើងស្តីអំពីជំងឺកូវីដ១៩ គឺកើនឡើងរហូតដល់ ១ ១៤១ នាក់ ក្នុងរយៈពេល២៤ម៉ោង និងបាត់បង់ជីវិត៣២នាក់ ក្នុងអំឡុងពេលដូចគ្នានេះ ។
ប្រភពព័ត៌មានតួកគីបានផ្សាយនៅថ្ងៃទី២៥ ខែឧសភា ឆ្នាំ២០២០ថា រដ្ឋមន្ត្រីក្រសួងសុខាភិបាល Fehrettin Koca បានថ្លែងកាលពីថ្ងៃទី២៤ ខែឧសភា ថា តួកគីមានអ្នកស្លាប់ដោយសារជំងឺកូវីដ១៩ កើនឡើងសរុប ៤ ៣៤០នាក់ និងឆ្លងសរុប ១៥៦ ៨២៧នាក់ ក្នុងនោះ ១១៨ ៦៩៤នាក់បានជាសះស្បើយវិញផងដែរ ។ 
ប្រភពបញ្ជាក់ថា មនុស្សចំនួន ២៤ ៥៨៩ នាក់បានធ្វើតេស្តក្នុងអំឡុងពេលមួយថ្ងៃ ។ អ្នកធ្វើតេស្តសរុបកើន ១ ៨៣២ ២៦២ នាក់ ។
បច្ចុប្បន្ននេះ តួកគីមានអ្នកជំងឺកូវីដ១៩ ដែលស្ថិតក្នុងការព្យាបាលដោយយកចិត្តទុកដាក់សរុប ៧៦៩នាក់ ក្នុងនោះ៣៨៥នាក់ ព្យាបាលដោយប្រើបំពង់ជំនួយខ្យល់ដង្ហើម ។ 
គួរបញ្ជាក់ផងដែរថា ជំងឺកូវីដ១៩នេះ នាពេលបច្ចុប្បន្នបានឆ្លើងលើមនុស្សជាង៥,៤លាននាក់ ក្នុងនោះបាត់បង់ជីវិតជាង៣៤ម៉ឺននាក់ និងជាង២,២លាននាក់បានជាសះស្បើយនៅទូទាំងពិភពលោក៕ ប្រែសម្រួលដោយ៖ thach yat
