Welcome

Labore et dolore magna aliqua. Ut enim ad minim veniam

Select Your Favourite
Category And Start Learning.

លោក Matthew និងភរិយា Lydia បានទទួល​ពានរង្វាន់ WBC

ក្រុមប្រឹក្សាប្រដាល់ពិភពលោកបានផ្តល់រង្វាន់ដល់គូស្វាមីភរិយា​ដែលបានឆ្លងវីរុសកូវីដ-១៩ និងវេជ្ជបណ្ឌិតដែលមើលថែជំងឺរបស់ពួកគេសម្រាប់ការជួយលើកកម្ពស់ការយល់ដឹងអំពីហានិភ័យនិងគ្រោះថ្នាក់នៃវីរុស​របស់​ដ៏កាចសាហាវមួយនេះ។ 

​កាលពីរសៀលថ្ងៃសៅរ៍ការិយាល័យ WBC Asia នៅទីក្រុងបាងកកបានប្រគល់ពានរង្វាន់ វីរបុរសនៃមនុស្សជាតិ​ជូនលោក Matthew Deane Chanthavanij និងភរិយា​ឈ្មោះ​ Lydia Sarunrat រួមទាំងលោកវេជ្ជបណ្ឌិត Wichai Techasathit ជាប្រធានក្រុមគ្រូពេទ្យនៅមន្ទីរពេទ្យ Bumrungrad ។ លោក Matthew ត្រូវបានគេ​ជ្រើសរើសដើម្បីផ្សព្វផ្សាយជាសាធារណៈអំពីការឆ្លងវីរុសកូវីដ-១៩ របស់គាត់ ព្រោះតែ​អាជ្ញាធរនៅតាមតំបន់ខ្លះនៅតែមិនសូវយកចិត្តទុកដាក់ចំពោះហានិភ័យនៃការប្រឈមនឹងវីរុសនេះ។ លោក​ Matthew ជាតារាសម្តែង​ អ្នកស្នេហាវិស័យប្រដាល់ ​ម្ចាស់ក្លិបប្រដាល់ New Lumpinee ​ជាពិធីករនៅក្នុងការប្រកួតប្រដាល់នៅពហុកីឡដ្ឋាន​ប្រដាល់​កាលពីថ្ងៃទី៦ ខែមីនា ដែលមានមនុស្សចំនួន ៤០០០នាក់បានចូលរួម។ មួយសប្តាហ៍ក្រោយមកពីការធ្វើជាពិធីករនៅពហុកីឡដ្ឋានលោក Matthew បានបង្ហោះសារនៅលើគណនី ​Instagram  របស់គាត់អំពីលទ្ធផលតេស្តវីរុសកូវីដ-១៩ដែលចេញដោយមន្ទីរពេទ្យឯកជនមួយនៅថ្ងៃទី១៣ ខែមី​នា។

រូបតំណាង

​អាជ្ញាធរមួយចំនួនមានប្រតិកម្មយ៉ាងខ្លាំងហើយ​បានព្រមានដល់លោក Matthew ​ថានឹងចាត់ការទៅតាមផ្លូវច្បាប់ប្រសិនបើអ្វីដែលគាត់បាន​បង្ហោះនោះមិនពិត និងបង្កឱ្យមានការភិតភ័យដល់សាធារណជន។ ប៉ុន្តែវា​ជាការពិត ព្រោះភរិយារបស់គាត់ដែលជាតារាសម្តែង​អ្នកនាង ​ Lydia ក៏បានឆ្លងជំងឺនេះដែរហើយប្តីប្រពន្ធមួយគូនេះបានសម្រាកព្យាបាលនៅក្នុងមន្ទីរពេទ្យរយៈពេល ៣០ថ្ងៃមុនពេល​ជាសះស្បើយ។ អ្នកទាំងពីរបានចែករំលែកពីបទពិសោធន៍​នៃការឆ្លងមេរោគនៅក្នុងវីដេអូដែលបានបង្ហោះលើគណនី instagram ។

រូបតំណាង

លោក Kowit Phakdiphum ប្រធាន WBC នៅអាស៊ី និងជាអនុប្រធាន WBCពិភពលោកបាននិយាយថាលោក Mauricio Sulaiman ប្រធា​នWBCពិភពលោកបានស្នើឱ្យគាត់ប្រគល់រង្វាន់ដល់ប្តីប្រពន្ធមួយគូនេះនិងវេជ្ជបណ្ឌិតមើលថែជំងឺរបស់ពួកគេ។ គួរបញ្ជាក់ផងដែរថាលោក Matthew និងភរិយា Lydia ​បាន​ចែករំលែក​ដល់ប្រ​ជាជនអំពីហានិភ័យនិងការលើកទឹកចិត្តពួកគេ​ដើម្បីថែរក្សាខ្លួនឯងឱ្យបានច្រើនជាងមុន» ។

កែសម្រួលដោយ៖ ភារ៉ា

ប្រភព៖ Bangkok Post

from: https://tnaot.com/km/m/detail/article/9249723