ប្រធានាធិបតីអាមេរិក ដូណាល់ ត្រាំ បានចេញបញ្ជាឲ្យបើកទ្វារព្រះវិហារគ្រឹស្ត និងវិហារអ៊ិស្លាម។ មិនតែប៉ុណ្ណោះ លោកនឹង​ចេញមុខ ដោយផ្ទាល់​ បើបណ្តារដ្ឋណាមួយនៅតែបន្ដហាមប្រាម។

ប្រធានាធិបតី ដូណាល់ ត្រាំ បានស្នើឲ្យបើកទ្វារ​ទីសក្ការបូជា ដែលជាកន្លែងដ៏ពិសិដ្ឋរបស់ជនជាតិអាមេរិក ដូចជា ព្រះវិហារគ្រឹស្ត និងព្រះវិហារអ៊ិស្លាម…ជាដើម។ លោកបានបញ្ជាឲ្យបណ្តារដ្ឋទាំងអស់​ត្រូវតែអនុវត្តតាមបទបញ្ជានេះ ប្រសិនបើមិនធ្វើតាមនោះទេ លោកនឹងចេញមុខដោយផ្ទាល់តែម្ដង។

លោក ត្រាំ បានប្រកាសនៅឯសេតវិមាន កាលពីថ្ងៃទី២២ ខែឧសភា ថា «នេះគឺជា​ទីកន្លែងផ្សះផ្សាសង្គមរបស់យើង និងរក្សាសាមគ្គីភាពរបស់ពលរដ្ឋអាមេរិក។  បើមិនបើកទេ ពិតជារឿង​មិនសមហេតុផលឡើយ។ លោកត្រាំ បាន​បញ្ជាក់ថា  រដ្ឋមួយចំនួន ​បាន បើកទ្វារ​ហាងស្រា​ ដោយមិនអនុញ្ញាតឲ្យបើកទ្វារព្រះវិហារជារឿងមិនសមហេតុផល»។

លោក ត្រាំ បញ្ជាក់ទៀតថា « អភិបាលរដ្ឋរូបណាដែលមានបញ្ហា ចំពោះសំណើខាងលើ​ ​លោកនឹងចេញមុខដោះស្រាយ ដោយផ្ទាល់ នៅសប្តាហ៍ក្រោយ។ ប៉ុន្ដែនៅក្នុងសន្និសីទ នៅឯសេតវិមាន លោក ត្រាំ ​មិនទទួលនូវសំណួរណាមួយពីក្រុមអ្នកសារព័ត៌មាន នោះឡើយ ៕ ប្រែសម្រួលដោយ៖ MEO

from： https://tnaot.com/km/m/detail/article/9248008