ក្រុមគ្រូពេទ្យព្យាបាលអ្នកជំងឺកូវីដ១៩ នៅក្នុងទីក្រុងហ្សាការតា ត្រូវបានរាយការណ៍ថា មិនទទួលបានប្រាក់លើកទឹកចិត្ត ពីរដ្ឋាភិបាលកណ្ដាល និងរដ្ឋបាលខេត្ត តាមការប្រកាស កាលពីខែមីនា។

ក្រុមគ្រូពេទ្យជំនាញម្នាក់ ប្រើឈ្មោះក្រៅ Arif  និងបម្រើការងារ នៅក្នុងមន្ទីរពេទ្យ នៃទីក្រុងហ្សាការតា​ បានពិភាក្សាថា បទពិសោធន៍របស់គាត់ និងសហការី កំពុងព្យាបាលអ្នកជំងឺកូវីដ១៩ ប៉ុន្ដែពួកគាត់នៅតែមិនទាន់​ទទួល​បានព័ត៌មានណាមួយ ពាក់ព័ន្ធនឹងប្រាក់លើកទឹកចិត្ដ​សម្រាប់គ្រូពេទ្យ នៅតាមមន្ទីរពេទ្យនៅឡើយ។

អ្នកគ្រូពេទ្យ Arif បានប្រាប់ The Jakatar Post ថា លោកស្រីមិនបានទទួលប្រាក់លើកទឹកចិត្ដរបស់រដ្ឋាភិបាល ឬក៏ព័ត៌មាន ពីមន្ទីរពេទ្យនោះឡើយ។ លោកស្រីទទួលបានតែលុយបន្ថែមលើសុវត្ថិភាពពីមន្ទីរពេទ្យរបស់លោកស្រី ចន្លោះពី២០ ទៅជាង៣០ដុល្លារតែប៉ុណ្ណោះ។ ប៉ុន្ដែអ្វីដែលរដ្ឋាភិបាលប្រកាស គឺក្រុមគ្រូពេទ្យជួរមុខព្យាបាលអ្នកជំងឺកូវីដ១៩ នៅតែមិន​ទទួលបានប្រាក់នោះទេ។ បញ្ហានេះក៏ធ្វើឲ្យក្រុមគ្រូពេទ្យលែងទន្ទឹងរង់ចាំប្រាក់នោះបន្តទៀតដែរ។

កន្លងមក លោក Joko Widodo ប្រធានាធិបតីឥណ្ឌូនេស៊ី បានប្រកាសថា រដ្ឋាភិបាលទីក្រុងហ្សាការតា បានត្រៀមថវិកាបម្រុង ចំនួន ៥,៩ពាន់ពាន់លានរូពី (Rupiah) ឬស្មើនឹងជាង៤ ពាន់លានដុល្លារអាមេរិក សម្រាប់ផ្ដល់ជាប្រាក់លើកទឹកចិត្ដដល់បុគ្គលិកពេទ្យ​ជួរមុខ ព្យាបាលអ្នកជំងឺកូវីដ១៩។ រដ្ឋាភិបាល បានបញ្ជាក់ថា គ្រូពេទ្យជំនាញ ក្នុងម្នាក់ៗ នឹងទទួលបាន១៥លានរូពី ឬស្មើនឹងជាង១ពាន់ដុល្លារអាមេរិក។ រីឯគិលានុបដ្ឋាក ម្នាក់ទទួលបាន៧,៥លានរូពី ឬស្មើនឹងជាង៥០០ដុល្លារ និងបុគ្គលិកពេទ្យ ទទួលបានជាង៣០០ដុល្លារ។

បើគិតត្រឹមព្រឹក ថ្ងៃទី២៣ ខែឧសភា ឆ្នាំ២០២០ ប្រទេសឥណ្ឌូនេស៊ី មានអ្នកឆ្លងកូវីដ១៩ ចំនួន ២០ ៧៩៦នាក់ ក្នុងនោះមានអ្នកជាសះស្បើយ​ ៥ ០៥៧នាក់ និងស្លាប់ ១ ៣២៦នាក់។ ឥណ្ឌូនេស៊ី ឈរក្នុងលំដាប់លេខ៣១ នៃប្រទេសមានអ្នកឆ្លងកូវីដ១ច្រើនជាងគេបំផុត នៅលើពិភពលោក។ ប៉ុន្ដែប្រទេសមួយនេះ មានអ្នកស្លាប់ដោយកូវីដ១៩​ ច្រើនជាងគេបំផុត នៅក្នុងតំបន់អាស៊ាន៕ ប្រែសម្រួលដោយ Nuon 

from： https://tnaot.com/km/m/detail/article/9247115