ទោះបីតារាកំពូលរបស់ប្រទេសចិន Fan bingbing បានបាត់មុខពីរង្វង់សិល្បៈអស់រយៈពេលជាង ២ឆ្នាំក៏ពិតមែន ប៉ុន្តែ​ចំពោះ​ប្រជា​ប្រិយ​ភាព​របស់​នាង​នៅតែមាននៅក្នុងចិត្តប្រជាជនចិនដដែរ។

យ៉ាងណាមិញ បើរម្លឹកពីសមត្ថភាព និងទេពកោសល្យរបស់ Fan bingbing គឺជាតារាស្រីជួរមុខ​ពូកែសម្ដែង​បានគ្រប់​អត្ត​ចរិត​តួ​អង្គ ​ពិសេស​នាង​ត្រូវបានមហាជនយ៉ាងច្រើនដាក់ឈ្មោះអោយថាជារាជិនីសម្រស់ប្រចាំប្រទេសចិន។

លើសពីនេះទៅទៀត Fan bingbing តែងមានវត្តមានលើកម្រាលព្រំពណ៌ក្រហមនៃកម្មវិធី Cannes Film Festival ជា​រៀង​រាល់​ឆ្នាំ​​ប្រជុំ​​ដោយ​​តារា​​​ល្បីៗ​​បរទេស​ជាច្រើនដួងផងដែរ។ តាមឆ្នាំនីមួយៗ រាជិនីសម្រស់រូបនេះតែង​ក្លាយទីចាប់អារម្មណ៍​សម្រាប់​អ្នក​សារ​​ព័ត៌​​មាន ​​និងមហាជន ដោយសារតែរបៀបនៃការតុបតែងខ្លួន សម្ភារៈប្រើប្រាស់ ពិសេសចំពោះម៉ូតសម្លៀក​បំពាក់ដែល​មាន​តម្លៃ​​រាប់​​ពាន់​​​លំដាប់​​ហាយសូ​​របស់​​នាង​​។

from： https://tnaot.com/km/m/detail/article/9243767