នៅក្នុងដំណើរទស្សនកិច្ចរោងចក្រផលិតរថយន្តរបស់ក្រុមហ៊ុន​ Ford នៅក្នុងរដ្ឋ​ Michigan ​ប្រធានាធិបតីអាមេរិក ដូណាល់ ត្រាំ​ បានពាក់ម៉ាស់ ជាលើកដំបូង ដោយមានរូបសញ្ញារបស់ប្រមុខដឹកនាំ នៅសេតវិមាន។  លោក ត្រាំ​ មានការស្ទាក់ស្ទើរ នៅក្នុងពេលពាក់ម៉ាស់ ដោយសារអ្នកសារព័ត៌មានថតរូបលោក​ ហើយនេះក៏ជាការពាក់ម៉ាស់លើកទី​១របស់លោកផងដែរ។

ប្រធានាធិបតី ដូណាល់ ត្រាំ​ បានលើកឡើងថា រូបភាព​នេះជាសារខុសពីគោលជំហររបស់លោក ​ក្នុងការជំរុញឲ្យបើកទ្វារដំណើរការសេដ្ឋកិច្ចឡើងវិញ​ បើទោះជាអាមេរិក មានពលរដ្ឋឆ្លង ជាង ១,៥៨លាននាក់ និងស្លាប់ជិត​១សែននាក់ទៅហើយក្ដី។

លោក ត្រាំ បានពាក់ម៉ាស់តែមួយភ្លែតប៉ុណ្ណោះ ហើយ​ក៏ដោះចេញវិញរហូត។ ក្រោយបញ្ចប់ដំណើរទស្សនកិច្ចនោះ ប្រធានក្រុមហ៊ុន​ Ford Motor បានប្រកាសថា លោកបានស្នើឲ្យប្រធានាធិបតី​ពាក់ម៉ាស់​ពេលអញ្ជើញមកបំពេញទស្សនកិច្ច នៅរោងចក្រនេះ។ កន្លងមក ​អភិបាលរដ្ឋ​ Michigan ​បានព្រមានថា បើលោក ត្រាំ​ មិនពាក់ម៉ាស់ពេលមកបំពេញទស្សនកិច្ច ក្រុមហ៊ុន​ Ford នឹងមានវិធានការ តាមផ្លូវច្បាប់​ទៅ​លើ​ប្រធានាធិបតី​។

លោក ត្រាំ បញ្ជាក់ថា លោកបានធ្វើតេស្តគ្រប់ពេល ដូច្នេះ​លោកមិនចំាបាច់ពាក់ម៉ាស់នោះឡើយ។ ប៉ុន្តែប្រធានក្រុមហ៊ុន​ Bill Ford ​បានស្នើឲ្យលោក​ ត្រាំ ពាក់ម៉ាស់ពេលចូលមកដល់ក្រុមហ៊ុន ​និងជួបជាមួយ​លោកផ្ទាល់។ ប៉ុន្តែក្រោយមក លោក ត្រាំ​ ក៏ដោះម៉ាស់ចេញវិញ ៕ ប្រែសម្រួលដោយ៖ MEO

from： https://tnaot.com/km/m/detail/article/9243155