ស្ថានភាពរបស់កីឡាករ Pierre Emerick Aubameyang ដែលសល់កុងត្រាជិតមួយឆ្នាំប៉ុណ្ណោះជាមួយArsenal ធ្វើអោយក្លឹបធំៗជាច្រើន កត់សម្គាល់ទុក និងស្រក់ទឹកមាត់ជាពន់ពេក។ 

ក្លឹបធំៗទាំងនោះរួមមាន ក្លឹបរួម Leagueជាមួយ Arsenal គឺ ក្លឹបតោខៀវ Chelsea និង Manchester united ដែលបានចាប់អារម្មណ៏លើខ្សែប្រយុទ្ធរូបនេះ។ ឯខាងអេស្ប៉ាញវិញ Barcelona ក៏ជាភាគីមួយដែលចង់ទិញAubameyang ផងដែរ។ 

ទោះជាយ៉ាងណា កាលពីពេលថ្មីៗនេះ PSGក្លឹបយក្សបារាំងក៏បានបង្ហាញចំណាប់អារម្មណ៏របស់ខ្លួនទៅលើខ្សែប្រយុទ្ធ វ័យ ៣១ ឆ្នាំរូបនេះផងដែរ ដោយសារតែខ្សែប្រយុទ្ធ Cavani របស់ខ្លួនក៏កាន់តែចំណាស់ទៅ ហើយខ្សែប្រយុទ្ធវ័យក្មេង Mauro Icardi ក៏មិនសូវគួរអោយទុកចិត្តបានផងដែរ។ 

គួររម្លឹកផងដែរថា Arsenal ធ្លាប់បានបដិសេធ 100 លានផោនពីក្លឹបផ្សេងៗកាលពីរដូវកាលមុន តែបច្ចុប្បន្ន គេជឿថា តម្លៃនឹងធ្លាក់ជាងនេះ ដោយសារតែវ័យរបស់ Auba និងកុងត្រារបស់គេសល់ត្រឹមរយះពេលខ្លី។ 

from： https://tnaot.com/km/m/detail/article/9242700