តុលាការជាន់ខ្ពស់​ ខេត្ត​ British Columbia ប្រទេសកាណាដា កាលពីថ្ងៃទី​២១ ខែឧសភា​ បានប្រកាសថា សាលក្រមស្តីពីការនាំខ្លួនអតីតអគ្គនាយកហិរញ្ញវត្ថុរបស់ក្រុមហ៊ុន​ Huawei ​លោកស្រី​ ម៉ែង វ៉ានស៊ូ (Meng wanzhou) នឹងត្រូវសម្រេច នៅសប្តាហ៍ក្រោយ។

សាលក្រមសំខាន់នេះ​នឹងត្រូវបានចៅក្រម Heather Holmes ប្រកាស នៅថ្ងៃទី​២៧ ខែឧសភា ឆ្នាំ​២០២០ ថាតើត្រូវបញ្ជូនលោកស្រី មែង វ៉ានស៊ូ ទៅកាន អាមេរិកដែរឬទេ ហើយលោកស្រីមានទោស​ដែរឬអត់ ។

លោកស្រី​ Meng wanzhou ត្រូវបានចាប់ខ្លួន នៅក្នុងអាកាសយានដ្ឋានអន្តរជាតិ Vancouver ​នៅថ្ងៃទី​១ ខែធ្នូ​ ឆ្នាំ​២០១៨ តាមសំណើរបស់អាមេរិ។ រដ្ឋាភិបាលទីក្រុងវ៉ាស៊ីនតោន​ចង់ឲ្យលោកស្រី Meng wanzhou បង្ហាញខ្លួន នៅក្នុងតុលាការទីក្រុងញូវយ៉ក។ សកម្មភាពខាងលើ​នឹងធ្វើឲ្យទំនាក់ទំនង រវាងអាមេរិក និង​ចិន កាន់តែតានតឹងឡើងបន្ថែមទៀត។

ប្រសិនបើចៅក្រម Heather Holmes​ ប្រកាសថា លោកស្រី Meng wanzhou គ្មានទោស នៅសប្តាហ៍ក្រោយ អគ្គនាយកហិរញ្ញវត្ថុរបស់ហួវៃ នឹងត្រូវបានដោះលែងឲ្យមានសេរីភាពឡើង​។ ប៉ុន្តែរឿងក្ដីនេះ​ក៏អាស្រ័យ​ទៅលើក្រុមមេធាវី​​របស់រដ្ឋាភិបាលកាណាដា តំណាងឲ្យអាមេរិក​​ បន្តប្តឹងដែរឬទេ។ ផ្ទុយទៅវិញ​ ប្រសិនបើតុលាការប្រកាសថា លោកស្រីមានទោស ​នឹងត្រូវបញ្ជូនទៅកាន់អាមេរិក​។

លោកស្រី​ meng wanzhou​ បានរងការចោទប្រកាន់ទោស បោកប្រាស់ធនាគារ HSBC ​ពាក់ព័ន្ធនឹងពាណិជ្ជកម្មជាមួយហួវៃ ​នៅក្នុងប្រទេសអ៊ីរ៉ង់​ បំពានច្បាប់ដាក់ទណ្ឌកម្មរបស់អាមេរិក ទៅលើទីក្រុងតេអ៊ីរ៉ង់ ។ ប្រសិន​បើ​ត្រូវបានកាត់ទោស​ លោកស្រី​ Meng wanzhou អាចប្រឈមនឹងការជាប់គុក រយ:ពេល​៣០ឆ្នាំ៕ ប្រែសម្រួលដោយ៖ MEO

from： https://tnaot.com/km/m/detail/article/9242574