អតីតស្ដេចប្រដាល់ Mike Tyson កាលពីពេលថ្មីៗនេះ បានធើ្វការបង្ហោះនូវវីដេអូមួយ ដែលបង្ហាញពីជំនាញប្រដាល់របស់ខ្លួន និងបានបញ្ជាក់ថា លោកអាចនឹងវិលត្រលប់ទៅកាន់សង្វៀនក្នុងពេលឆាប់ៗនេះ។

បុរសវ័យ៥៣ឆ្នាំនេះ បានធើ្វការហ្វឹកហាត់ខ្លាំងក្នុងប៉ុន្មានសប្ដាហ៍ចុងក្រោយនេះ ក្រោយពីទទួលដំណឹងថា លោកអាចនឹងធើ្វការប្រកួតក្នុងកម្មវិធីសប្បុរសធម៌មួយទល់នឹងអតីតអ្នកប្រដាល់គឺលោក Evander Holyfield។

ធ្វើការសម្ពោធគេហទំព័រចិនរបស់ខ្លួនដែលមានឈ្មោះថា Weibo អតីតអ្នកប្រដាល់ Tyson បាននិយាយថា៖ «វាអាចនឹងទៅរួច ក្នុងការដែលខ្ញុំអាចនឹងឡើងសង្វៀនវិញ» ហើយរូបលោកបានបង្ហាញនូវជំនាញប្រដាល់របស់ខ្លួន ដោយវ៉ៃយ៉ាងរហ័ស និងចលនាគេចឆ្វេងស្ដាំផងដែរ៕

ប្រភព៖ Dailymail

from： https://tnaot.com/km/m/detail/article/9242421