Sign In 
ភ្នំពេញ៖ កងទ័ពមួកខៀវកម្ពុជា ប្រចាំប្រទេសម៉ាលី ចំនួន ៣រូបថ្មីទៀត បានឆ្លងវីរុសកូវីដ១៩ ខណៈពួកគេមានសុខភាពល្អជាធម្មតានោះទេ។ នេះបើយោងតាមលោក ផល សាម៉ន អ្នកនាំពាក្យមជ្ឈមណ្ឌលជាតិគ្រប់គ្រង បានឱ្យដឹងនាថ្ងៃទី២១ ខែឧសភា ឆ្នាំ២០២០នេះ។
អ្នកនាំពាក្យមជ្ឈមណ្ឌលជាតិគ្រប់គ្រង កងកម្លាំងរក្សាសន្តិភាព បោសសម្អាតមីន និងកាកសំណល់សង្គ្រាម លោកឧត្តមសេនីយ៍ឯក ផល សាម៉ន បានប្រាប់ឱ្យដឹងនៅថ្ងៃទី២១ ខែឧសភា ឆ្នាំ២០២០នេះថា កងទ័ពមួកខៀវកម្ពុជាចំនួន ៣ រូបថ្មីទៀត បានឆ្លងជំងឺកូវីដ១៩ នៅក្នុងតំបន់បេសកកម្ម នៃប្រទេសម៉ាលី ប៉ុន្តែសុខភាពរបស់ពួកគេមានសភាពល្អប្រសើរទេ ដោយមានការយកចិត្តទុកដាក់ពីសំណាកក្រុមគ្រូពេទ្យជំនាញ នៅក្នុងប្រទេសម៉ាលី។
លោក ផល សាម៉ន ក៏បានបញ្ជាក់បន្ថែមទៀតថា កងទ័ពមួកខៀវកម្ពុជា ចំនួន ៣រូបនេះ ត្រូវបានធ្វើតេស្តរកឃើញមានផ្ទុកជំងឺកូវីដ១៩ បន្ទាប់ពីចូលរួមបេសកម្មបោសសំអាតជាតិផ្ទុះ ជាមួយកងទ័ពមួកខៀវ នៃប្រទេសមួយចំនួនទៀត៕ ដោយ៖ សាម
