Sign In 
បើតាមលទ្ធផលស្ទង់មតិថ្មីបំផុត បង្ហាញឲ្យឃើញថា ពលរដ្ឋអាមរិក ភាគច្រើនលើកឡើងថា យ៉ាងហោចណាស់ ក៏ចំណាយពេលវេលាយ៉ាងតិច៦ខែ ទើបវិលត្រឡប់មកជីវភាពធម្មតាវិញ ក្រោយកូវីដ១៩។
តាមលទ្ធផលស្ទង់មតិរបស់ NPR/ PBS NewsHour/ Marist ចាប់ពីថ្ងៃទី១២ ដល់ថ្ងៃទី១៧ ខែឧសភា ទៅលើពលរដ្ឋជាង១ពាន់នាក់ ក្នុងពេលដែលរដ្ឋមួយចំនួន បានចាប់ផ្តើមបើកដំណើរការសេដ្ឋកិច្ចឡើងវិញ។ ក្នុងចំណោមនោះ មានពលរដ្ឋ៦៥ភាគរយ ជឿជាក់ថា យ៉ាងតិចក៏ត្រូវចំណាយពេល៦ខែ ទើបវិលត្រឡប់មកដូចដើមវិញ។ ជាមួយគ្នានេះ ក៏មានពលរដ្ឋ៣២ភាគរយ ជឿជាក់ថា អាចនឹងចំណាយពេលវេលា តិចជាង៦ខែ នឹងល្អប្រសើរឡើងវិញហើយ។
បើតាមការស្ទង់មតិ ក៏មានពលរដ្ឋ ៧៧ភាគរយ បង្ហាញក្តីព្រួយបារម្ភថា ខ្លាចកូវីដ១៩នឹងឆ្លងរាលដាលជាថ្មី។
អាមេរិកមានករណីឆ្លងកូវីដ១៩ខ្ពស់បំផុត នៅលើពិភពលោក ដោយមានអ្នកឆ្លង រហូតដល់ទៅជិត១,៦លាននាក់ និងស្លាប់ជិត ៩៥ពាន់នាក់ ។ បើទោះជាមានអ្នកឆ្លងច្រើនក្តី តែរដ្ឋមួយចំនួន ក៏បានដំណើរការសេដ្ឋកិច្ចឡើងវិញ អនុញ្ញាតឲ្យបណ្តាក្រុមហ៊ុន បន្តបើកទ្វាររកស៊ីជាធម្មតាវិញ៕ ប្រែសម្រួលដោយ៖MEO
